Kuummiuni Sermiligaamilu imermi imerneqartussami uuliaqalaarnera paasineqarpoq

Pinngortitamut Avtangiisinullu ullumikkut allapput nalunaarummi ataaniittumi, imermi imerneartussami uuliaqalaarnera paasineqartoq. Imeq suli imerneqarsinnaavoq:

Imeq imertagaq Kuummiuni Sermiligaamilu uuliamik takussutissartalik, 29.10.2019

Pinngortitamut Avatangiisinullu Naalakkersuisoqarfiup 28. oktober 2019-imi Kuummiuni Sermiligaamilu imermik misissueqqissaarnerup inerneri tiguai, taakkulu marluullutik uuliamik akoqarnerinik malunniutinik nassaarfigineqarput.

Massakkuugallartoq ilisimaneqanngilaq imeq imertagaq suminngaanniit mingutsitsineqarsimanersoq.

Mingutsitsineq suminngaanneernersoq paasiniarlugu piaartumik misissuisoqassaaq misissugassanillu allanik tigusisoqassalluni. Tamatuma kingorna mingutsitsinermut peqqutaasup peerneqarnissaa qulakkeerneqassaaq. Aamma piaartumik imilerivinni kulfilterinik immikkut ittunik ikkussuisoqarnissaa, taamaalillunilu mingutsitsinerup peerneqarsinnaanissaa pilersaarutigineqarpoq.

Matumani uulia annikitsuararsuaq, peqqissutsimut ulorianartorsiortitsinngitsutut naliliiffigineqartoq pineqarpoq.
Nunatsinni Nakorsaaneq naliliivoq, imeq suli imigassatut atorneqarsinnaassasoq.

Paasissutissanik annertunerusunik piniarnermi attaveqarfigineqassaaq:
Pinngortitamut Avatangiisinullu Naalakkersuisoqarfimmi Naalakkersuisoqarfimmut pisortaaneq Skarregaard Pedersen oqarasuaat 529844
– Issuaaneq naavoq

Nunaqarfimmi imeq suli imerneqarsinnaavoq aamma pisarnertut atorneqarluni. Taamaattorli piffissami aggersumi misissugassanik misissuisoqaqqissaaq