NUTAARSIASSAT KINGULLIIT: Uummannami imermut tunngasoq 8/10-2019

Iloqarfimmi imermik pilersuinerup aallarteqqinnissaata tungaanut Nukissiorfiit innutaasunut suli neqeroorutigaat Nukissiorfiit allaffiani, kiisalu illoqarfimmi sumiiffinni allani arfineq pingasuni imermik aallertoqarsinnaanera.

Sulinitsinnut malinnaagit
Taamatuttaaq Nukissiorfiit nittartakkatsinni ingerlaqqiffissamik pilersitsivugut, tassuuna sullittakkatta sulineq ullormit ullormut malinnaaffigisinnaavaat.
Paasissutissat ingerlaavartumik nutaanngortinneqartassapput atuarneqarsinnaallutik uani

Misissuisarfimmik nuuttakkamik pilersitsisoqarpoq.
Misissuissarfimmik nuuttakkamik atugaqalernermigut Nukissiorfiit atortussamik pingaaruteqartumik qulakkeeripput, tassa Uummannami erngup imerneqartussap mingutsinneqarnerata akiorneqarnissaanut tunngatillugu. Tamatuma kingunerisaanik Nukissiorfiit aammattaaq misissukkanit inernerit ulloq taanna misissugassatut qaluneqarfianni paasisinnaalerpaat.

Misissuisarfiup nuuttakkap saniatigut aammattaaq misissuisartut Danmarkimeersut ilaapput, taakkua misissugassanut taamaattorpianut immikkut ilisimasaqartuupput. Taakkua maannakkut Nukissiorfiit sulisui allat suleqatigalugu Uummannami mingutsitsinerup iluarsiniarneqarnera suleqataaffigissavaat.

Nakkutilliinermik oqartussaasunit maannakkorpiaq atuinissamut killilersuineq:
Innuttaasut maqittakkamik imeqartut taamatullu imermut tankeqartut, maannakkumit allamik nalunaaruteqartoqarnissaata tungaanut imeq anartarfimmi kuutsitsinermut aamma assannik errortuinermut taamaallaat atorsinnaavaat, taamaattumik imeq uffarnermut, eqqiaanermut imaluunniit erruinermut atoqqusaajunnaarpoq.

image

image