Nukissiorfiit teknikeqarnermut pisortartaarput

Kenneth Nyland Nukissiorfinni teknikeqarnermut pisortatut atorfineqqammerpoq

Kenneth Nyland ilinniakkamigut assigiinngitsunik tunngaveqarpoq. Assassornermi innaallagialerisutut ilinniarsimavoq tamatuma kingornatigut ilinniaqqikkami maskinmesteritut naammassivoq, aqutsinermi ilinniarsimavaa Master of Business Administration (MBA). Kenneth nukissiamik nioqqutissiornermi assigiinngitsunik misilittagaqarpoq eqqagalerinermut tunnganerusunik, tassani ingerlatsinermi aamma aserfallatsaaliuinermi assigiinngitsunik suliaqartarsimavoq kiisalu ineriartortitsinermi immikkoortortaqarfimmi ineriartortitsisutut sulisimalluni.
– Assorsuaq qilanaaraara immikkoortumut pilersaarutip anguniagaqarluartup Nukissiorfiit 2030 tikitsinnagu ikummatissanik nunap iluaneersunik atuiunnaarnissamik siunniussaata piviusunngortinneqarnissaanut peqataanissara. Assorsuaq nuannerpoq sallersanut peqataanissaq nunap ikummatissanik nunap iluaneersunik atuiunnaarnissaanik anguniagaqarneq.
– Isumaqarpunga qaffasissumi inissisimalluni aqutsisuunissaq pissanganartuusoq aamma uanga teknikimut tunngatillugu misigisimavunga piareersimalluarlunga. Teknikimik tunngatillugu siuttuunissara qilanaarivara aamma peqatigiilluta Nukissiorfinnit ikummatissanik nunap iluaneersunik atuiunnaarnissaanut ingerlateqqikkumaarparput, Kenneth Nyland oqarluttuarpoq.

Kenneth Nylandip nulia Kristina paneeraalu marluk Caroline aamma Josefine juunip naalernerani Kalaallit Nunaannut tikinnissartik qilanaaraat, taamaalillutik ilaqutariit tamakkerlutik ataatsimoorlutik nunatik nutaaq pissangaqatigiillutik ilisariartulissavaat.