Transformerstationitaarnissaq qanilliartorpoq

Nuummi illoqarfiup immikkoortortaani Qinngutsinni transformerstationissamut suliaqarneq isumannaatsumik naammassiartorpoq. Kingullertigut tamaani transformerstationinik marlunnik nappaasoqarpoq

Septembarimi nappaanersiorneqarmalli suliami suli ingerlaqqittoqarpoq arfininngormat oktobarip ulluisa 19-ianni 60/10 kV transformatori inissinneqarpoq. Transformeri taanna 32,5 tonsiusoq siunissami Qinngutsinni aamma Mittarfimmi sarfamik 10kV-imik pilersuisuussaaq.

Kivinneqarnerani transformerip aqqutaa qaminneqarpoq, Nuullu nal. akunnerini pingasuni Sarfaannguani innaallagissiorfimmit pilersorneqarpoq. Ajornaatsumillu ikkussineq ingerlanneqarpoq.

Ataasinngornermi oktobarip ulluisa 28-anni alla transformeri 50 tonsinik oqimaassusilik 132/60 kV-iusorlu aammattaaq inissinneqarpoq. Taanna siunissami Utoqqarmiut Kangerluarsunnguannit 132 kV-imik pissarsisassaaq Qinngutsinnilu immikkoortortaqarfinnik nutaanik tunuatungaaniittunillu pilersuisuussalluni, kiisalu Nuup sinneranut sillimmataassalluni. Transformerit taakku marluk Siemensimit pisiaapput.

Maanna amigaataalerpoq 10kV-imik aamma 60kV-imik sakkortussusillit ikkussorneqarnissaat, naggataatigullu tamarmik imminnut attavilerneqarnissaat.

Qinngutsinni transformerstationi Nuummi sarfap aqqutaatigut siaruarterinermi nutarterinerup ilagaa, siunissamilu nukissiamik pilersuinermik isumannaallisaassalluni illoqarfiup alliartornera aamma teknologiskiusumik nunarsuarmi tamarmi ineriartorneq eqqarsaatigalugit.

Pilersaarutaavoq stationip upernaami 2020-mi naammassinissaa.

image

image

image

image

image

Foto: INUPLAN