Uummannami erngup imerneqartussaq pillugu paasissutissat kingulliit

Paasissutissat kingulliit 23/9 nal.: 09:00

Ajoraluartumik Uummannami ullaaq manna innaallagiaq qamittooraluarpoq. Taamaattorli innaallagissamik pilersuineq ingerlaqqilerpoq. Imermik imerneqartussamik suli aallertoqarsinnaavoq: Nukissiorfiit allaffianni, napparsimavimmi, illoqarfiup immikkoortuani nutaami aamma heliportimi.

—–

Sullittakkanut imermik toqqaannartumik pilersorneqartunut: Uummannami qatserisartut aamma Nukissiorfiit imeqarfik matuaat maannakkullu ajornartorsiut aaqqinniarlugu sulipput. Taamaattumik Uummannami tatsimit imeqarfimmit erngup aqqutaanut imermik salinneqanngitsumik ingerlatitsisoqarpoq. Imeq taanna salinneqanngilaq aamma klorimik akoqanngilaq. Nunatsinni Nakorsaaneqarfik inassuteqarpoq imeq salinneqanngitsoq, maannakkut illumi erngup kuuffiiniit pineqarsinnaasoq imerneqassanngitsoq, nerisassiornermut atorneqassanngitsoq, kigutigissanermut atorneqassanngitsoq. Taamatuttaaq inuttut eqqiluisaarnermut atorneqarnissaa inassutigineqanngilaq, perusuersartarfimmeereerluni assaat errortornerat eqqaassanngikkaanni, tassa imeq uuliamik mingutsinneqarsimasinnaammat amerlutitsisinnaallunilu.

Sullittakkanut imermik pajunneqartartunut: Illuni privatinik pigineqartuni tankit imiisiviit maannakkut imaarneqarnissaat inassutigineqanngilaq. Imeq imissallugu, nerisassiornermut atussallugu imaluunniit kigutigissanermut atussallugu naleqqutinngilaq. Taamatuttaaq inuttut eqqiluisaarnermut atorneqarnissaa inassutigineqanngilaq, perusuersartarfimmeereerluni assaat errortornerat eqqaassanngikkaanni, tassa imeq uuliamik mingutsinneqarsimasinnaammat amerlutitsisinnaallunilu. Imeq imiisivinneersoq pisariaqarpat eqqiaanermut/asaanermut il.il. atorneqarsinnaavoq.

Nukissiorfiit allaffianut imermik imerneqartussamik aallertoqarsinnaavoq.