Uummannami imermit minguitsumik imeqaleqqippoq

Uummannami imermit sullissineq nalinginnaasunngoqqippoq. Nukissiorfinnit Uummannarmiut naammagittarnerat aamma paasinninnerat pillugu qutsavigaavut.

Imermit pilersuinerup unnittoorneranut pissutaavoq Uummannami imermik milluaasumut innaallagissap aqqutaata sarfamik pilersuisup ajortissimanera. Ajortissimanerata kingunerisaanik imermik milluaasoq pumpi unittoorpoq, taamaalilluni tatsimit imermik pissarsiffiusartutut atorneqartumit imermik milluaanissaq ajornarsivoq imeqarfimmut salinneqarfissaanut.
Pilersuinerup piaarnerpaamik atuutilerseqqinnissaa siunertaralugu Nukissiorfiit tatsimit imermit pilersuinissamut sillimmataasumiit pilersuilernissamut piareersaapallappoq.

Tatsimit imermit pilersuinissamut sillimataasup erngata nalinginnaasumit tatsimit imeqarfiusumit pitsaassusiata pitsaatiginnera nalornissutigineqarmat, Nunatsinni Nakorsaateqarfik Nukissiorfiit aamma Pingortitamut, Avatangiisinut Ilisimatusarnermullu Naalakkersuisoqarfik isumasioreerlugit aalajangersaavoq isumannaatsuutitsinissaq pissutigalugu imermik qalaaseqqusinermik peqqussuteqarpoq.

Kabelip ajortissimasup iluarsaanniarneqarneranut atatillugu Nukissiorfinnit Uummannami innuttaasunut inassutigineqarpoq imermik atuinnginnissaq. Nukissiorfiit qularnaarlugu paasivaat inassuteqaat tamanna ataatsimut isiginnilluni tamakkiisumik malinneqarsimasoq. Nukissiorfiit Uummannami innutaasunut qujavoq tamatumunnga tunngatillugu suleqatiginnikkusunnerannut.

Maannakkut Nukissiorfiit pilersuinerup pilerseqqinneqarnera iluatsippaat tasermit sillimmataasumik atuinngikkaluarlutik, kiisalu erngup minguiarneqarnera ingerlaqqilerpoq aamma qalaasseqqusinermik inassuteqaat atorunnaarluni. Taamaattumik Uummannami innuttaasut illoqarfimmi imermik pilersuineq maannakkut nalinginnaasumik atorsinnaalerpaat.