Kangaatsiami imermik pilersuineq annikillivoq

Aasap panersimaqisup kinguneqartippaa, Kangaatsimi Nukissiorfiit imeqarfiata imaarutingajassimaneranik.

Tamanna paasisimasaq tunngavigalugu, Nukissiorfiit noqqaassuteqarpoq fabrikkimi suliat tamaasa unitsinneqassasut, Kangaatsiami innuttaasunut imermik imigassamik pilersuinissaq qulakkeerumallugu, tamanna Nukissiorfiit tuniniaanermi pilersuinermilu piumasaqaataasoq imm. 1.4. naapertorlugu.

Nukissiorfiit qinigassamik allamik ujartuileruttorpoq, imeq imigassamik naammattumik pilersuinissaminut isumannaagaqarumalluni, imermik akuiagaanngitsumik pilersuinitta aallarteqqinnissaata tungaanut.

Aammattaaq Nukissiorfiit aalasakkerivillu akunnerminni oqaloqatigiittarput, majimi nipisat suaannik tunisassiornissamut imermik atugassamik utaqqiisaagallartumik pilersuisinnaanissaq siunertaralugu.

Naatsorsuutigaarput utaqqiissaagallartumik pilersuinissarput pillugu erseqqinnerusumik paasissutisseeqqissinnaassalluta ulloq 13.3. sioqqullugu.