Qeqertarsuatsiaani sukuluiaatit taarserneqartut

Nunaqarfimmi Nuup kujataaniittumi imeqarfik 1000 kiilut missaanik minguitsunik sioralerneqarpoq, imeqarfiup sukuluiaatinik katersuisarfiini marlunniittuni.  

Nukissiorfinni sulisut sisamat sukuluiaateqarfiit marluusut aappat kinguleq imaarpaat aamma eqqiarlugu, taamaalioreeramik puut 40 missaat sioqqanik nutaanik imallit immiuppaat, ullut marluinnaat atorlugit. (Sukuluiaat siulleq siorna eqqiarneqarpoq aamma siorartai taarserneqarlutik, aaqq.).

Puut 25 kiilut missaannik oqimaassuseqarput siorartaalu assigiinngitsunik angissuseqarput. Sioqqat mikinerpaat 0,8 millimeterinik angissuseqarput anginerpaallu 1,4 millimeteriullutik. Sioqqat immikkoortiterneqartarput imatut sioqqat anginerit sukuluiaammut allinngorlugit ilineqartarlutik mikinerillu qallinngortinneqartarlutik.
Sioqqat sukuluiaatiniittut ukiut qulikkaarlugit taarserneqartarput, maleruaqqusat malillugit taamaappoq.