GTO-p immertaassui soraarninngorput

Nukissiorfiit 1990-ikkut qiteqqunneranili Ittoqqortoormiini una GTO lastbiilitoqarsua aamma takorannersoq imermik pajuttuisarnermut atorpaa. Maannakkut taanna tamaanga killeqarpoq, tassami umiarsuarmut ilaallutik biilit imermik assartuutit nutaat aamma nutaaliaasut tikipput.

Lastbiilit pisoqqat 1972-imeersuut Ittoqqortoormiinut tikimmata tankia saviminermik sanaaq peerneqarpoq, tassa imermik pilersuinissamut atussallugu naleqqukkunnaarsimammat. Tassunga taarsiullugit nutaamik usisarfilerneqarpoq tankinik plastikinik aqqaneq marlunnik 360 literinik imaqarsinnaasunik, taamaalilluni imermik pajuttuisarnermut suli atorneqarsinnaalluni. Taamanikkulli ukiuunera tamakkerlugu ullut tamaasa illoqarfimmi inoqutigiinnut 90-it missaanniittunut imermik pajuttarpoq. 

Kisianni septembarinngorpat aasaanerani erngup aqqutaa matuneqarpat taava tamaanga killeqarpoq.

Biilit imertaatit tikeqqammersut pajuttuisarneq ingerlatilissavaa. Tankeqarpoq 6 m3-nik imermik imaqarsinnaasumik ukiorlu tamangajaat atorneqartassalluni assut apinerata imaluunniit silap pissusaanik  allamik pissuteqartumik ingerlaarnissaq akornuserneqanngippat. Taamaattorli pisoqqamit qajannaanneruvoq taamaattumillu ilimanarpoq ukioq kaajallallugu ingerlaartarnissaa.

Ittoqqortoormiini imermik atuinermut uuttuutit 140-t nalunaarsorneqarsimapput.
Taakkunannga inoqutigiinnut 90-inut imertaassuit atorlugit imermik pajuttuisoqartarpoq, sinneri imermik pilersorneqarput ukioq kaajallallugu erngup aqqutaatigut, taakkualu aqqutit ingerlaavartumik ilaneqartarput.