Nukissiorfiit "Saligaatsoq" tapersersoqqippat

Nukissiorfiit ukiut amerlasuut ingerlanerini ukiumoortumik pisartoq "Saligaatsoq" peqataaffigisarpaat, tamanna suliffeqarfiup tamarmiusup tapersersorpaa. Nuannaarluta atsipaavut kangujartittarpagut aamma pinngortitami eqqakkanik katersuisarnermut peqataasarluta.
Tassami pinngortitaq uagut pigisarput saligaatsuutissagutsigu, taava nukissiorfiit tapersersuisarput - 100 procentimik!
Taamaattumik ukioq manna aammaarluta aallartitamut pingaaruteqartumut, CSR Greenlandip ingerlataanut, peqataaniarluta nalunaarpugut.
"Saligaatsoq" ileqqunngorpoq qilanaarisartagarput aamma tassunga nuannisaarluta ataatsimoorneq attuumassuteqartilerparput, tassanilu sulisugut aallussilluartut suliassap pitsaasup ingerlanneqarnerani 'all in' tamaviat peqataasarput.

Illoqarfinni ataasiakkaani Saligaatsoq ingerlanneqareerpoq, taamatullu sumiiffinni allani maannakkorpiaq ukiumoortumik pisartumut piareersarneq aallartinneqareerluni.
Tatsit imeqarfiit tikinneqarnissaannut killiussat iluanni eqqaasoqannginnissaa uagutsinnut pingaartuuvoq, taamatullu pingaartigaaq pinngortitaatitta aamma eqqiluitsuutinneqarnissaa.

Suut tamarmik imminnut ataqatigiipput, tamannalu uagut sananeqaatitsinnut DNA ilaavoq, tassa pinngortitaatitta saligaatsuunissaa.