Alluitsup Paani seqernup qinnguaanik katersuisartut nutaat

Nukissiorfiit allaffeqarfiata qaliaa, nunaqarfimmi Alluitsup Paani, qillariinnaavoq. Tassanimi ikkussuunneqarsimapput saattukujuut 36-t, seqerngup qinnguaanik katersuisartut taamaalillutillu ataavartumik nukissiornermut ilaalerlutik, tassa Nukissiorfiit mingutsitsinnginnerusumut nuukkiartornermut suliaqarneranut atatillugu.

Seqernup qinnguaanik katersuisartut Led Solar Greenlandimit pisiarineqartut aamma ikkussuunneqartut, maannakkut atuutilereerput ilimagisamit annertunerusumik kiisalu solarweb-imi takuneqarsinnaavoq atortut aammattaaq nioqqutissiorsinnaasut, naak nuiaqaraluartoq. 

Assilisami takuneqarsinnaavoq web-imut isertarfimmi Alluitsup Paani seqernup qinnguaanik katersuisartunik misissueqqissaarneq. Tassani takuneqarsinnaavoq nukissiap nioqqutissiarineqartup annertussusia aamma sipaarutaasut, CO2-p annertussusianik ullut tamaasa sanilliussisarnera.

Juulimi ullut tamaasa nukissiamik nioqqutissiorneq pillugu takussutissiaq – skema.



Nukissiorfiit anguniarpaat Nukissiorfiit seqernup qinnguaanik katersuisartunut atortutik tamaasa ilanngutsinniarlugit, taamaalilluni Kalaallit Nunaanni ineriartorneq malinnaaffigineqarsinnaammat.
Tasiusaq kujataaniittoq tullinnguuppoq mingutsitsinnginnerusumut ilanngutsinneqarnissaminut seqernup qinnguannik katersuisartunik 2023-mi Nukissiorfiit ikkussuissammata.

Taamatuttaaq Nukissiorfinni nukissiamik mingutsitsinngitsumik ineriartortitsineq suli ingerlanneqarpoq.