Sarfannguani ukiuunerani erloqinartut

Siorna ukiornerani nunaqarfimmi sulisut Sisimiunilu nunaqarfimmut akisussaasuulluni teamlederi sulisuilu peqatigalugit immamit imermik milluaaneq ilungersuutigaat

Februaarimi minus 25 gradenik issiinnaavissup kinguneranik imermik pilersuineq qerisoornermit eqqorneqarluni pilersuisoqarsinnaajunnaarsippaa, tamatumalu kingornatigut silami sulineq suleqatitsinnut ajornarsiivilluni. Sikuungaarmat tamanna arlaleriarlugu ikuttaqqaarlugu aatsaat imeq pilersuinermut atugassaq immamit milluagassaq pissarsiarineqarsinnaasarsimavoq.  

Immap sikuunera piffissami sivisuumi ajornartorsiutaasimavoq. Sikuneralu ajornartorsiutaanerulermat nunaqarfimmi sulisut Sisimiunit ikiortissarsiortariaqalersimallutik, taakku nangaajallakkatik suliatik taamaatiinnarlugit Sarfannguanut aallarput. Suliassaq ulorianarsinnaasoq.
Tassami Sisimiuneersut sulisut qaqqap qaavatigoorlutik imarlu sikuusoq snescooterinik angallavigisariaqarpaat ukiut tamaasa pisartoq ajornartorsiut issimit ajornartorsiortinneqarsinnaasut atortut, karsimut angallattakkamut kiffiaatitalersukkamut ikisat, atorlugit aaqqiiffigiartorlugu. Aqqullu tamanna arlaleriarlugu angallavigisariaqarpaat.

Siullermik iliuuserisassaat tassaavoq RO-mik atortup aallartinnissaa, taamatut imarmit imermik nioqqutissiortoqarsinnaaniassammat. Tamatuma kingornatigut suliassangaatsiaavoq pilersuinerup ingerlaqqilersinneqarnissaa, suliaq tamanna qaammat ataaseq sinnerlugu pisoq.