Sisimiuni innaallagissamik qamittoortarneq

Sisimiuni innuttaasut ulluni kingullerni sivikitsumik innaallagissap qamittarnera misigisarpaat.
Qamittoortarnernut pissutaavoq imermit nukissiorfimmi elektroniskiusumik ajoquteqartartoqarnera, maanna taanna sumiinnersoq paasiniarneqarpoq.

Ajoqutaasup nassaarineqarnissaata aamma iluarsineqarnissaata tungaanut Sisimiut innaallagissiorfimmit sillimataasumit innaallagissamik pilersorneqassapput.