Imermik imerneqartussamik agguaassineq
Imeq atuisunut assigiinngitsunngorlugu siammarterneqartarpoq:
![water tap](/media/1b2238e8-a0a8-43a8-98a1-66ca13c37410/bCyN7Q/illustrations/water-tap-black-and-white-macro-615326.jpeg)
Kuutseriaannartut:
Imeq erngup aqqutaatigut pingaarnikkut ingerlaartinneqartarpoq, atuisut kuutsitseriaannaat atugassaat.
![Vandkoersel](/media/3e6772ab-6f5c-4219-88f6-eb884dcd2995/avGiCw/illustrations/Vandkoersel.jpg)
Imeq ingerlallugu:
Illut ilaat imermut tankeqarput erngup aqqutaanut atassuteqaratik. Taakkununnga imeq biilersuarnik ingerlanneqartarpoq. Tamanna akisuvoq, atuisunut Nukissiorfinnullu, taamaammat atorunnaariartornissaa siunertaavoq.
![Taphus-Narsaq](/media/ea78c097-f8a0-4153-b853-be137a4e0bc8/DziKFA/illustrations/Taphus-Narsaq.jpg)
Imertartarfiit:
Nunaqarfinni illunut imermik aggiussisarneq takornartaavoq. Nunaqarfimmiut imertartarfinnit imermik pilersorneqarput
Erngup aqqutai kissassagaapput, qerisuunnginnissaq anguniarlugu.