Nukissiorfiit tunisassiornerup kiisalu siammarterinermut aqqutit inerisartuarnissaat pillugu periarfissat ujartortuarpaat. Tamanna Nukimmik imermillu pilersuinermut pilersaarummi anguniagassatut allassimavoq. Aammali Nukissiorfiit atortui nukissiorfiilu pioreersut annerusumik minnerusumillu aserfallatsaalisassaajuartarput.
Suliat amerlanertigut siunnersuisut suliakkerneqartullu avataaneersut, kiisalu nunap immikkoortuani pineqartumi pisortaq Nukissiorfiillu sulianut aqutsisui suleqatigalugit ingerlanneqartarput.
Nukissiorfinnut suliariumannittussarsiuussinerit ingerlaartut uani takuneqarsinnaapput:
Kalaallit Nunaat assissaqanngilaq, angissutsimigut aamma pinngortitamigut alianaatsorsuakkut. Nukissiorfiit iluani atorfeqartutut sulianut tunngasutut ataatsimoorfimmi siamasissumi, Kalaallit Nunaanni tamarmi siammaqqasumi ilaalissaatit.
Pilersuisarneq sumiiffikkaani suliaqarfigaarput, aammalu Kalaallit Nunaannik pituttueqataavugut. Nukissiorfiit ilaatut inuiaqatigiinni suliassami pingaarutilimmi ilaalissaatit, tamaanilu siunissamik piujuartitsisuusumik pilersitsinissamut peqataaqataassaatit.
Sulisutta piginnaasaat assigiinngitsut pingaartippagut, aammalu kikkut tamarmik suliassaminnik isumaginnissinnaanissaannut atugassarisat pitsaanerpaat pilersinnissaat alaatsinaaffigalugu.
