Sarfamik pilersuinermi ataasinngornermi ull. 14. oktober 2024-mi iluliarmiut annertunerusumik qamittoortoqartoq misigaat. Qamittoornermut patsisaavoq sakkortuumik sarfaqarfiusumi attuuttoornikkut sarfaarunneq, tamannalu qamittoornermik nassataqartitsilluni annertuumik angivallaamik sarfaqartitsinermik pinngortitaqarneq.
Sillimmatitut innaallagissiorfipput aqqutigalugu sarfalersueqqinnerup nalaani illoqarfimmi kabelimi ajoqut pinngorpoq, tamatumalu illoqarfimmik pilersuiniarnermi ingerlatassaq naammassiuminaallisippaa. Taamaattumik innuttaasut arlallit aatsaat ullaakkut sarfaqaqqilerput.
Ilulissanut pilersuilluni Paakitsumi erngup nukinganik nukissiorfik illoqarfimmi innaallagissamik pilersuinerup isumaginissaanut naammattumik piginnaaneqartoq ilisimatitsissutigineqassaaq. Taamaattumillu ull. 14. oktober 2024-mi sarfaarunnermut patsisaasoq Paakitsumi piginnaasamik patsiseqanngilaq, tamannali attuuttoornikkut sarfaarunnermik aamma kabelimi ajoqummik tunngaveqarpoq.
Ilulissani sillimmatitut innaallagissiorfiup piginnaasaa illoqarfimmi innaallagissamik pilersuinermut tamarmut naammappoq, tamatumanili elektrokedelit qamissimasariaqarput, taamaattumillu sarfaarunnermi attaveerutitaapput. Taamaattumik Ilulissani innaallagiaq atorlugu kiassarnermik qaminneqarsinnaasumik Nukissiorfiit neqerooruteqarpoq. Innaallagiaq atorlugu kiassarneq pillugu uani annermik atuarit.
Qamittoornerup nassatarisaanik ajoqutaasut tamakku Nukissiorfiit ajuusarutigai.
Pilersuisarfittut suliffiunermigut innuttaasunut tamanut sunniuteqarluartumik pilersuinerup qularnaarniarnera Nukissiorfiit sulissutigiuarpaa, taamaattumillu Ilulissani pilersuinermik pitsaanerpaanngorsarniarluni Nukissiorfiit aamma sammisaqarpoq. Tamanna ilaatigut illoqarfimmi sarfap aqqutaanik, aamma illoqarfimmi innaallagissiorfiit dieselimik ingerlatsiviusut piginnaasaasigut annertusaaniarluni suliniutit aqqutigalugit pisarpoq.
