Ameraliup kangerluata aggustip qaammataata ingerlanerani imaatigut angallattunit ulluni sorlerni killilimmik angallavigineqarsinnaanera pillugu paasissutissat nutarterneqarput. Uani atuarsinnaavatit.
Ulluni Ameralimmukarsinnaaffiusuni imaatigut angalasut kissaateqafigerusuppagut kangerluup sineriaa kujasinnerusoq atuarlugu angalaniartaqqullugit imaatigut angalasunut sillimaniarneq aammalu atortut oqimaatsorsuit atorlugit iluarsartuussilluni suliaqartoqartussaammat.
Pisariaqarvissumik iluarsartuussinissaq pissutigalugu Ameraliup kangerluata angallavigineqarnissaanik taamatut killiliigallarneq Nukissiorfinniit ajuusaarutigaarput paasinninnersili pillugu aamma qutsavigerusullusi.
