Nukissiorfiit atuisui arlallit Nukissiorfinneertuusaarlutik sianiinaarinianit sianerfigineqartarsimapput. Nukissiorfinneertuusaarlutik sianertut sianerfigisaminnut akiligassamik akileeqqusisarsimapput taamaanngippat qaminneqassammata, aammalu kontomut Nukissiorfiit kontorinngisaanut aningaasanik ikiseqqusisarsimallutik. Taamatut sianertut Nukissiorfinneersuunngillat.
Taamaammat Nukissiorfinniit ilisimatitsissutigissavarput akiligassat ilisimatitsissutillu aqqutit ukua kisiisa atorlugit atuisunut nassiunneqartarmata:
- Mailikkut Nukissiorfinniit nassiussisup adressia imatut naggateqartarpoq:
......@nukissiorfiit.gl
- SMS aqqutigalugu nassiussat qulaani Nukissiorfiit ilisarnaataat ersarissumik allaqqasarpoq.
- E-Boks aqqutigalugu Nukissiorfiit nassiussaat Nukissiorfiit pisortatigoortumik E-boksianiit nassiunneqartarput.
Erseqqissaatigissavarput Nukissiorfinniit atuisunut kontomut akileeqqusilluta sianinngisaannaratta.
Paasissutissaq nassitsisumit allameerpat imaluunniit imatut naaneqanngippat: ...@nukissiorfiit.gl, nassiussisoq Nukissiorfinniit nassiussinngilaq.
Nalorniguit Nukissiorfiit Atuisunut Sullissiviat attavigiuk uunga: 80 11 50 imaluunniit emailimut uunga: kundeservice@nukissiorfiit.gl
