Innaallagissamik kiassaaneq

Kiassaaneq innaallagiatortoq, innaallagissamik akikinnerusumik atuinertalik tassaavoq kiassaariaatsit ataavartumik nukissiornermik tunngaveqartut ataatsimoortumik taaguutaat.

Illoqarfinni ukunani erngup nukinganik nukissiuutilinni Nuummi, Sisimiuni aamma Ilulissani taamaallaat kiassaaneq innaallagiartortoq atorneqarsinnaavoq. Tassunga peqqutaavoq kiassaanerup innaallagiartortup siunertarimmagu nukiit ataavartut, tassalu nukiit sipporuttut atorlugit innaallagissap kiassaanermut atorneqarnissaa. Tasiilami, Qaqortumi Narsamilu erngup nukinganik nukissiorfimmi pisinnaasaq annikippallaarpoq sumiiffimmi kiassaanerup innaallagiatortup atorneqarnissaata neqeroorutiginissaanut.

Innaallagissamik kiassaariaatsit assigiinngitsut marluk

Innaallagissamik kiassaariaatsit assigiinngitsut marluupput:

• Innaallagissamik kiassaaneq aalajangersimasoq: Sullittakkani innaallagissamik aalajangersimasumik kiassarneqartuni kiassaatit innaallagissamik kiassarneqartut ikkunneqarsimassapput imaluunniit uunnaavissuaq innaallagissamik kiassarneqartoq (elektrokedel) imermik kiassaatinut nalinginnaasunut kissaasartoq, taamatuttaaq imermut illup iluani atugassamut uunnaavik innaallagissamik kiassarneqartoq napparneqarsimassapput.
• Innaallagissamik qaminneqarsinnaasumik kiassaaneq: Sullittakkani innaallagissamik qaminneqarsinnaasumik kiassarneqartuni kiammut nioqqutissiarineqartumut aallaaviuvoq imermik nukissiorfimmit innaallagiaq, kisianni aammattaaq kiak uulia atorlugu nioqqutissiarineqarsinnaavoq tassa imermik nukissiorfimmit kiak nioqqutissiarineqartoq amigarpat. Taamaattumik kiassaaneq taamaattoq taaneqartarpoq innaallagissamik kiassaaneq qaminneqarsinnaasoq. Teknikkimut tunngatillugu inissiani innaallagissamik qaminneqarsinnaasumik kiassarneqartuni nalinginnaasumik uunnaavissuaq innaallagissamik kiassarneqartoq (elektrokedel) kiassaateqarfinni/uuliamik kiassarneqartuni pioreersuni attavilerlugu ikkunneqartarpoq. Tamatumunnga ilutigitillugu uunnaavissuit uulia atorlugu kiassarneqartut (oliekedler) sillimmatitut pigineqaannartarput. Innaallagissamik qaminneqarsinnaasumik kiassaaneq kiassaanernit allanit atorneqartunit akikinnerulaarpoq. Akit uani takukkit.

Innaallagissamik kiassaanermut qinnuteqaat

Innaallagissamik kiassaanermik atuinissat soqutigigukku, taava Nukissiorfiit sumiiffimmi najugaqarfigisanni innaallagissamik kiassaanermik nioqquteqarnersoq
takuniarlugu uani nunap assingi misissukkit.

Qinnuteqaateqarnissamut immersugassaq una immersorneqassaaq innaallagissamik kiassaanermik atuisunngornissat kissaatigigukku.

Ikioqquniarlutit nangaassuteqarnak Kiffartuussivimmut saaffiginnissinnaavutit.

Innaallagissamik qaminneqarsinnaasumik kiassaanermik ikkussuineq aamma atuineq pillugit immikkuualuttut amerlanerit uani atuarsinnaavatit.