Kissarsuutit innaallagiartut Ilulissani

Nukissiorfiit kissarsuutinik innaallagiatortunik Ilulissani 2026-mi ikkussuissapput

Nukissiorfiit sullitanut uunnaavinnik innaallagiatortumik ikkussuinissaq nalilersoreerlugu ikkussuinerup ingerlanissaanut pilersaarusiorneq malitseqartitsinissarlu pillugit 
ersarinnerusumik paasissutisserusupput. 

Kissarsuutinik innaallagiatortunik 20-nik 9 kW-itut sakkortussusilinnik kiisalu allanik marlunnik sakkortunerumaanik (kW) sullitanut peqalersitsinissaq 
2026-mi pilersaarutaavoq. 

Erseqqissaatigissavarput, ukioq manna suliamut aningaasaliissutit killeqarmata ukiuni aggersuni ukiumut ikkunneqarsinnaasut amerlassusaat killeqarmata.  

Nukissiorfiit kissarsuutinik innaallagiatortunik ikkussissatillugu Nukissiorfiit sullitallu akornanni isumaqatigiissummik atsioqatigiittoqartassaaq. 

Kissarsuummik innaallagiatortumik Nukissiorfiit piginnittussaapput aserfallatsaaluisartuullutillu, pisariaqaraangallu kissarsuut iserfisarsinnaassallugu. 

Ajutoortoqartillugu sillimmatissatitut kissarsuummik orsussatortumik piareersimasuuteqarnissamut sullitaq akisussaaffeqarpoq. 

Kissarsuutip innaallagiatortup sanaartortunit ikkunneqarnera Nukissiorfimmiit nakkutigineqarlunilu kissarsuut aallartinneqartassaaq.  

2027-mut sulianut  aningaasliissutit pilersaarusiallu pillugit nalunaaruteqassaagut ukiup ingerlanera pillugu nalilersuisoqareerpat. 

Suliaq allalluunniit pillugit apeqqutissaqarussi, uunga mailersinnaavusi: kundeservice@nukissiorfiit.gl