Nukissiorfiit sullitanut kissarsuutinik innaallagiatortumik ikkussuinissaq nalilersoreerlugu ikkussuinissamut pilersaarut malitseqartitsinissarlu pillugit matumuuna paasissutissiipput.

Aamma atuarsinnaavat Ilulissani kissarsuutit innaallagiartut pillugit nutaarsiassaq

Kissarsuutinik innaallagiatortunik 18-inik 9 kW-inik allanillu marlunnik sakkortunerusunik sullitanut 2026-mi ikkussuisoqarnissaa pilersaarutaavoq. Ukioq mannali suliamut aningaasaliissutit killeqarmata ukiuni aggersuni ukiumut ikkunneqarsinnaasut killeqassapput. Kissarsuummik innaallagiatortumik ikkussisoqassatillugu Nukissiorfiit sullitallu akornanni isumaqatigiissuteqartoqartassaaq. Nukissiorfiit kissarsuutinut innaallagiatortunut piginnittutut aserfallatsaaliisutullu kissarsuut pisariaqarfiani iserfigisinnaassavaat.

Sullitap sillimmatitut kissarsuummik orsussatortumik ikeriaannarmik piareersimatitaqarnissani nammineq akisussaaffigaa. Kissarsuut innaallagiatortoq ikkunneqalerpat Nukissiorfiit nakkutiginnillutillu kissarsuummik aallartitsisuusarput. 2027-mut sulianut aningaasaliissutit pilersaarullu pillugu nalilersuisoqareerpat nalunaaruteqarumaarpugut. Suliaq pillugu apeqqutissaqarussi mailersinnaavusi uunga: 
kundeservice@nukissiorfiit.gl  

Kissarsuut innaallagiatortoq taama isikkoqarsinnaavoq.

Nukissiorfiit kissarsuutinik sakkortunerusumik kW-linnik ikkussuinissaat 

Kissarsuutinik innaallagiatortumik sakkortunerunesumik kW-ilinnik ikkussuinissaq pillugu sullitanut attaveqartarpugut. Kissarsuummik innaallagiartortumik anginerusumik pisaarnissamut isumaqatigiissusiorsimagaanni, tamanna aatsaat 2027-mi piviusunngortineqarsinnaavoq; nalilersuisoqareerpallu paasissutissinneqarumaarputit. Sullitat pineqartut mailikkut attavigiumaapagut.

Kissarsuutinik innaallagiatortunik 9 kW -inik ikkussuinissaq
Sullitaq kissarsuummik innaallagiatortumik 9kW-imik pisaarusukkuni Nukissiorfinnut attaveqassaaq. Ikkussititsiniartoqartillugu sumiiffiit innaallagissamik unitsinneqarsinnaasumik pilersorneqarnerat illullu 120 kvm miss. angissusillit naapertorlugit nalilersuisoqartarpoq. Sullitat mailikkut kiassarneq orsussatortoq inissaqassuserlu pillugit apeqqutinik akisassanik nassinneqassapput, sullitaq orsussatortumik sillimmatitut kissarsuuteqarnermi saniatigut kissarsuummut innaallagiatortumut inissaqartitsinersoq paasiniarlugu.

Suliap ingerlanissaa

Apeqqutinut akissutinik nalilersuereerutta Suliap ingerlanissaa pillugu mailerfgissavtsigit. Piumasaqaatit naammassisimanngikkukkit najukkannut qaqugu misissuiartorsinnaanerput apeqqutigissavarput. Nukissiorfiit ikkussisussarlu misissuereerpata isumaqatigiissutip uppernarsaataanik imaluunniit itigartitsinermut tunngavilersuummik tigusaqarumaarputit. Isumaqatigiissut ilinnit Nukissiorfinnillu
aatsaat atsiorneqareerpat Nukissiorfinnit nakkutigineqartumik ikkussisoqarsinnaalissaaq. Piumasaqaatit naammassisimanngikkukkit qinnuteqaatit itigartinneqassaaq.

Sanilera attavigineqarpoq, uangali attavigineqarnanga

Sanileriikkaluarlusi innaallagissamik pilersugaanersi assigiinngissinnaavoq; kabilinit assigiinngitsuniit sarfalersorneqarsimasinnaagassi. Attavigineqannginneq kiassarnermik innaallagiatortumik pisaarsinnaannginnertut imaluunniit kissarsuummik innaallagiartortumik nammineq ikkussisinnaannginnertut paasineqassanngilaq. Kissarsuutit innaallagiatortut qinnuteqartarnerlu pillugit uani paasisaqarnerusinnaavutit:

Kiassarneq pillugu apeqqutigineqakkajuttut akissutaallu