Ataani toorlugit tallisittakkani atuarsinnaavatit kiassarneq pillugu apeqqutigineqakkajuttartut taakkununngalu akissutit:
Ungasianiit kiassarnermi kissaq pilersinneqartoq tassaavoq imeq kissartoq kiassaateqarfinneersoq, imaluunniit eqqakkanik ikuallaavinneersoq, ruujorit oqorsarluakkat aqqutigalugit inissianut siammarterneqartartoq. Inissiani imeq kissartoq kiassarnertut kiisalu imertut kissartutut atorneqartarpoq. Imeq kiassarnermik tunioraareeraangat kiassaateqarfinnut utertinneqartarpoq kissaqqinneqarlunilu.
Kiassarneq innaallagiatortoq taaguutaavoq kiassaariaatsinut arlalinnut, tassalu kiassaariaatsinut innaallagiaq ataavartoq atorlugu pilersinneqartunut. Inissiat kiassarnermik innaallagiatortumik ataavartumik kiassarneqartoq kiassaateqarput innaallagiatortunik, kiassaatinut nalingininnaasunut assingusunik. Kiassaat innaallagiatortoq innaallagissamut atassuseraangami tamakkiisumik kissattarpoq. Termostatip aquppaa ini nillerpallaalerpat kiassaatip nammineq ikinnissaa, kissarlu naammalerpat nammineq qaminnissaa. Taamaattut taamaallaat Nuummi, Sisimiuni, Qaqortumi, Narsami Ilulissanilu atorneqarput, tassa sumiiffinni erngup nukinganik nukissiutilinni.
Kiassarneq innaallagiatortoq qaminneqarsinnaasoq atoraanni, illumi elkedelimik kiisalu taartissatut oliefyr-imik ikkussisoqarsimassaaq. Nukissiorfiit kiassaat innaallagiatortoq qamissinnaavaa, taamaalilluni oliefyri kiassarnermut atorneqarsinnaalluni.
Erngup nukinganik nukissiorfiit atuuffii innarlerumanagit, atuisunut kiassarneq innaallagiatortoq qaminneqarsinnaasoq neqeroorutigineqartarpoq. Taamaaliortoqanngippat Nukissiorfiit uuliamik uunnaaviit amerlisariaqarpai, imaluunniit elektrokedelit atuuffii qaffallugit, taamaaliornikkulli innaallagissap akia qaffassaaq.
Atuisumut nammineq illuutilimmut kiassarneq innaallagiatortoq qaminneqarsinnaasoq neqeroorutaavoq pinngitsaaliissutaanani. Sumiiffiit ilaat illorpassuaqarfiit suliffeqarfillillu, erngup nukinganik nukissiorfinnit pilersorneqartut, ilaatigut elektrokedelilersugaapput, Nukissiorfinnit pigineqarlutillu aserfallatsaaliorneqartunik.
Kissarsuut innaallagiatortoq orsussatortuunngilaq, kissarsuutaallunili imermik qalatsitsilluni kiassaasartoq. Kissarsuutit innaallagiatortut angerlarsimaffinni suliffeqarfinnilu atorneqarsinnaasut assigiinngitsunik angissusillit kiassarnermi ungasianiillu kiassaanermik tunisassiornermi atorneqarsinnaapput. Taamalilluni illu suliffeqarfilluunnit erngup nukinganik nukissiorfiup pilersuineranit kiassarneqartarpoq. Kissarsuut uuliatortoq qamittuussappat pisinnaasaaluunniit killeqalissappat kissarsuut innaallagiatortoq sillimmatigisinnaavat ass. sila issippallaaleraangat. Taamaattoqartillugu kissarsuut uuliatortoq kiassaasunngorsinnaavoq imaluunniit kiassaanermut tapertaalluni.
Aallaaviusumik sullitap kissarsuummik innaallagiatortumik ingerlatsineq isumannaatsoq aamma aserfallatsaaliornera nammineq akisussaaffigaa.
Sullitaq, Nukissiorfimmit allamik isumaqatigiissuteqarsimanngikkuni, innaallagissamik kiassarneq pingaarnertut kiassaatigissallugu pisussaavoq.
Apeqqutaalluinnarpoq sumi najugaqarnersutit. Uani sumi taamaattoqarnersoq takusinnaavat.
Kiassarnermik innaallagiatortumik ataavartumik imaluunniit qaminneqarsinnaasumik, ungasianiilluunniit kiassarnermik atuisunngorusukkuit qinnuteqaatit uku immersussavatit. Qinnuteqaatit uani nanisinnaavatit:
Innaallagissamik kipineqarsinnaasumik kiassarnissamik qinnuteqaat / ilanngunnissamut nalunaarfissaq
Ungasianit kiassarneqarnissamik qinnuteqaat/ilanngunnissamut nalunaarfissaq
Innaallagiatortumik kissarsuuteqaruit, kiassarnermik innaallagiatortumik qaminneqarsinnaasumillu kiassarneqarputit.
Tassa nammineq kissarsuummik uuliatortumik sillimmateqassaatit, tassani Nukissiorfiit qamittoorlutik pilersuisinnaajunnaassappat nammineq pilersorneqarnissannut taartigisinnaasannik.
Kiassaariaatsit marluk pillugit nassuiaat uani atuarsinnaavat.
Kiassarnermut akit atuuttut uani takusinnaavatit.
Sumi najugaqarnersutit apeqqutaavoq, innaallagissamik kiassarnerit qaminneqarsinnaasumiittariaqarmat, sumiiffimmilu ungasissumit kiassarneqartumiinnatik.
Tassa illoqarfimmi erngup nukinganik nukissiorfimmit pilersorneqartuniittariaqarputit: Nuuk, Sisimiut imaluunniit Ilulissat. Erngup nukinganik nukissiorfiup Tasiilamiittup Qaqortumiittullu pisinnaasai killeqarmata taakkunani kissarsuutit innaallagiatortut suli ikkussorneqarsinnaanngillat. Qaqortumi <5kW kiassarnermut nalimmassaammik ikkussuisoqarnissaanut qinnuteqartoqarsinnaavoq.
Innaallagissamik kiassarnermik qaminneqarsinnaasumik najukkat kiassarneqarnersoq takuniarlugu una tooruk: Nunap assinga
Innaallagissamut qaminneqarsinnaasumut akigititaq kissarsuut uuliatortoq pisoqaanermut aningaasartuutaasartut malillugit aalajangersimasumik inissinneqarnikuuvoq, paasisaqarnerorusukkuit uani: inatsisit atuarsinnaavatit.
§6. Matumunnga akigititat kissarsuut uuliatortumut sanilliullugu nikinganeqanngillat. Sipaarneq annertunerussaaq kissarsuut uuliatortoq pisoqaq atorluarsinnaanngitsoq ikkussorneqarsimappat.
Kissarsuutip innaallagiatortutaarusullutit qinnuteqarniaruit una immersussavat: Qinnuteqaammut immersugassaq immersussavat.
Innaallagisserisoq (elinstallatør) saaffigissavat, ikkussinermi suut sunnerneqassanersut paasiniarlugu.
Ikkussuititsinissamut aalajangersakkat uani atuarsinnaavatit: Tuniniaanermi aamma pilersuinermi piumasaqaatit
Malugiuk! Innaallagissamik kiassarnermut ikkussuisitsinissamut qinnuteqaat najukkanni pilersuinissamut periarfissat atorneqartut pillugit teknikkikkut
nalilersuinermik imaqarmat.
Attavilertinneq ”Installationsblanket.dk”-kkut innaallagisserisutut (el-installatør) akuersissutilik aqqutigalugu immersorneqassaaq, attavilertinnissamullu akuerisaanermiit
qaammatit 12-it qaangiutsinnagit nalunaarutigineqassaaq. Qaammatit taakkua iluini nalunaarsortissimanngikkaanni, nutaamik qinnuteqartoqassaaq.
Ajuusaarpugut saaffiginnissutinnut suli akissuteqarsimannginnatta. Imaassinnaavoq qinnuteqaatit suli suliarigipput.
Apeqqutissaqaruit Atuisunut Sullissivipput mailerfigisinnaavar uunga: kundeservice@nukisisorfiit.gl
Innaallagissamik kiassaanerit assigiinngitsut marluupput:
Innaallagissamik kiassarneq qaminneqarsinnaasoq imermik nukissiuutilinni illoqarfinni (Ilulissat, Sisimiut aamma Nuuk) atorneqartarpoq, taakkunani imermik nukissiuutinit innaallagissiorneq aallaaviusumik tunisassiarineqartarmat.
Innaallagissamik kiassarnermi qaminneqarsinnaasumi sullitaq kissarsuummik uuliatortumik nammineerluni sillimmateqartarpoq, tamannalu erngup nukinganik kiassaaneq malinnaasinnaajunnaaraangat sillimmatitut pilersuilertarpoq. Kiassaariaaseq tammana innaallagissamik kiassaanertut qaminneqarsinnaasutut taaneqartarpoq.
Innaallagissamik kiassarneq qaminneqarsinnaasoq aalajangersimsumik kiassaanermiit akikinnerulaarpoq.
Innaallagissamik kiassaanermi aalajangersimasumi Nukissiorfiit pilersuinissaminnut pisussaaffiat tamakkiisuuvoq. Tassani sullitaq innaallagiatortunik kiassaateqartarpoq imaluunniit innaallagiatortumik kissarsuuteqartarluni, kiassaatinut nalinginnaasunut imermik kissartumik pilersuisumik. Tamanna sumiiffinni erngup nukinganik nukissiuuteqarfiunngitsuni atorneqartarpoq.
Aalajnagersimasumik innaallagissamik kiassarneq innaallagissamik kiassarnermit qaminneqarsinnaasumit akisuneruvoq. uani takukkit: Kiassarnermut akigititat
Sullitaq kissarsuutip innaallagiatortup ikkunneqarnissaanut nammineq tunngaviusunimik akiliisussaavoq.
Innaallagisserisoq ruujorilerisorluunniit kissarsuutip innaallagiatortup ikkunnissaanut ikioqqullutit attavigisinnaavat.
Kissarsuut innaallagiatortoq ikkutsinnagu innaallagissamik kiassaanermut attavilernissamut qinnuteqaat Nukissiorfinniit akuerineqarsimassaaq.
Kalaallit Nunaat assissaqanngilaq, angissutsimigut aamma pinngortitamigut alianaatsorsuakkut. Nukissiorfiit iluani atorfeqartutut sulianut tunngasutut ataatsimoorfimmi siamasissumi, Kalaallit Nunaanni tamarmi siammaqqasumi ilaalissaatit.
Pilersuisarneq sumiiffikkaani suliaqarfigaarput, aammalu Kalaallit Nunaannik pituttueqataavugut. Nukissiorfiit ilaatut inuiaqatigiinni suliassami pingaarutilimmi ilaalissaatit, tamaanilu siunissamik piujuartitsisuusumik pilersitsinissamut peqataaqataassaatit.
Sulisutta piginnaasaat assigiinngitsut pingaartippagut, aammalu kikkut tamarmik suliassaminnik isumaginnissinnaanissaannut atugassarisat pitsaanerpaat pilersinnissaat alaatsinaaffigalugu.
