Ilulissani Nukissiorfiit kissarsuutinik innaallagiatortunik atuilersitsinissaq pillugu paasissutissiissuteqarpoq.
Nassuerutigissavarput siornatigut attaveqarsimanerput ersarippallaarsimanngitsoq, tamannalu sullitatsinnut soqutiginnillutik kissarsuutinik innaallagiatortunik ikkussivigineqarnissamik qinnuteqarsimagaluartunut nalornilersitsisimavoq.
Sullitatut qinnuteqareernerpit kingorna attavigisimanngikkuit ilisimatinneqarnallu utaqqilussinnarsimaguit tamanna ajuusaarutigaarput.
Kissarsuutinik innaallagiatortunik ikkussuinissap tunuliaqutaa
Erngup nukinganik nukissiorfik Paakitsumiittoq nukissamik sinnilimmik tunisassiaqartarpoq, sinneqartoorutillu sunniuteqarluartumik siammarterneqarnissaa uagut pingaartillugu suliassaraarput. Kissarsuutinik innaallagiatortunik soorunami ikkussuissaagut kiassarnermik pilersuissutigineqartussanik. Ilulissani innaallagissamik pilersuiniarneq unamminartoqartarsimavoq innaallagissamik sakkukitsumik siammarteriviit transformareqarfiillu artorsartarmata pilersuiniarneq tamakkiisumiittanngilaq. Taamaammat Ilulissani innuuttaasunut erngup nukissiorfimmiit innaallagissamik pilersuinermi sinneqartoorutaasumit tunisassiorsinnaanermut innaallagissiornitsinnullu pitsanngorsaaniarluta aningaasaliissuteqarpugut - aningaasaliissuteqartuaannassallutalu. Taamaattumik kissarsuutinik innaallagiatortunik ikkussuinissaq illoqarfimmi nukissanik sinneqartoorutaasunik atorluaanerussaaq.
Sullitat innaallagiatortunik kissarsuutitaarniarlutik siornagut qinnuteqarsimasut
Ilulissani Nukissiorfiit kissarsuutinik innaallagiatortunik Nukissiorfiit ikkussuiniarluni ingerlariusaanik allannguivoq. Taamaattumik sullitanit qinnuteqaatit/saaffiginnissutit juuni 2026 sioqqullugu nassiunneqarsimasut atorunnaarput, sullitagullu pineqartut mailikkut attavigissavagut.
Siornatigut kissarsuutinik innaallagiatortumik ikkussivitinnissannut qinnuteqarsimaguit, qinnuteqaativit atorunnaanera eqqumaffigissavat. Ilulissani Nukissiorfinniit sullitat kissarsuutinik innaallagiatortunik 2026-mi ikkussivigineqarnissamut piumasaqaataasunik naammassinnissimasut attavigineqassapput.
Kiassaanermik innaallagiatortumik ikkussivigineqarnissamut qinnuteqarneq
Kissarsuutip innaallagiatortup ikkussorneqarnissaanut qinnuteqaat isumaqarpoq, najukkanni pilersorneqarsinnaanermut teknikkikkut nalilersortinneq. Nukissiorfiit akisimappata ”akuerisaq” tamanna isumaqarpoq, Nukissiorfiit kiassaanermik innaallagiatortumik ikkussinissamut teknikikkut periarfissaqartoq; tamannali kissarsuutinik innaallagiatortumik ikkussisinnaanertut paasineqassanngilaq.
Nittartakkatsinni kissarsuutit innaallagiatortut qinnuteqarnissamullu iliuusissat pillugit paasisaqarnerusinnaavutit, uani:
Kiassarneq pillugu apeqqutigineqakkajuttut akissutaallu
Ilulissani kissarsuutit innaallagiatortut pillugit nukissiorfiit.gl-imi paasisaqarnerugit
