Nukaaraq Karolussen, elektrikerinngorniarluni ilinniarnerminut atatillugu Nukissiorfinni ilinniartutut sulisimasoq, ilinniakkani naammassilluareerlugu Nuup innaallagissiorfiani aasaq juulimili aalajangersimasumik atorfinitsinneqarpoq.
Innaallagisserisutut ilinniagaqarsimanermut allagartaq Nukaaqqamut Nuup innaallagissiorfiani septembarip aqqarnanni nalliuttorsiornertalimmik tunniunneqarpoq.
Nukaaraq innaallagisserisutut 2020-mi ilinniartunngorsimasoq nuannaaqisorlu ima oqarpoq.
- Ilinniagara naammassillugu oqiliallannarpoq, nalunagu ilaquttakka qimatsussaajunnaarlugit ilagisuaannalertussaallugillu. Angajoqqaama piumasaat ilinniagaqassasunga kiisami naammallugu toqqissiallannarpoq.
Nukaaqqap ilinniakkaminut allagartaqalernera Nukissiorfinnilu atorfinninera pillugit pilluaqquarput.
Nuummi El distributionimi suleqatigiinnut aqutsisup Reginald Peter Jensen-ip innaallagisserisutut ilinniarsimanermut allagartaq Nukaaqqamut tunniuppaa.
Nukaaraq ilinniakkaminut allagartaqalersoq soorunami tulluusimaaqaaq.
Nukaaqqap meerannguisa ataatartik allagartartaarmat ornillugu nalliuttorsioqatigaat.
