Aqquserngit qullersui illoqarfinni nunaqarfinnilu toqqissisimanermik isumannaatsuutitsinermillu pilersitseqataapput. Ilisimaviuk assersuutigalugu Nuummi qullersuarnit 3000-it missaanniittunit 150-it missaat amerlanertigut biilertunit aporneqarlutik aserorneqartartut? Nuuk nunatsinni biileqarnersaammat tassani qullersuarnik apuisarnerit ukiumut amerlanersaasarput.
Qullersuaq aporneqaraangat iluarsartuussineq 30.000 koruunit angullugit akeqarsinnaasarpoq. Ajoqusiisoq paasineqarsimanngikkaangat, Nukissiorfiit kommunilu iluarsartuussinermut akiliisarput – tassa Inuiaqatigiit tamatta. Ajoqusernerit ilaat ukiuunerani iluarsartuunneqarsinnaasanngimmata napparummi ataatsimi ajoqut peqqutaalluni aqqusinermi qullersuit ataatsimoortut qaminngasariaqarsinnaasarput, tamannalu pissusissamisuunngilaq.
Biilertut qullersuarnik apuisarneri asuuliinnaq pisarsorinngilagut, paasivarpulli piaarinatik apuinerminnik nalunaarutiginnittartut ikittuinnaasut. Taamaammat neriuppugut, tamanna ataatsimoorluta allanngortissinnaassagipput.
Ima ikiuussinnaavutit:
- Napparummik apuiguit, taava Nukissiorfiit attavigiuk paasissutissaatitit ilanngullugit kundeservice@nukissiorfiit.gl
- Apuisumik takuguit, taava politiinut uppernarsaasutut nalunaaruteqarit.
- Eqqaamallugu piffissaq, sumiiffik aamma ajoqusiisoq pillugu paasissutissanik (assersuutigalugu nummerplade imaluunniit suliffeqarfiup aqqa) allassagakkit.
Nukissiorfiit inoqarfinni qaammaqquteqartuarnissaq ukkatariuaannarpaa, ajoqusiisarnerilli aningaasartuutaallu annikillisarniarlugit innuttaasut ikiuunnissaannik aamma pisariaqartitsilluni. Ataatsimoorluta illoqarfitta/nunaqarfitta toqqissisimanartuullunilu qaammaqquteqartuaannarnissaa isumannaartigu.
Suleqatigiinnitsinnut malinnaanissinnullu qujareerluta, kajumissaarutigiiinnassavarput mianersorlusi biilertaqqullusi.
