Nuummi nukissanik sinneqartoorutinut immikkoortitsisarnissaq sammillugu, Nukissiorfiit assigiinngitsunik suliniuteqarlutillu pilersaarusianik suliaqaleruttorput, tassani Nukissiorfiit 2032-mi, Utoqqarmiut Kangerluarsunnguani erngup nukissiorfiata allilerneqarnerata naammassinneqarnissaa naatsorsuutigineqartoq, nukissanik sinneqartoorutinut immikkoortitsisarnissamut piareersarlutik. Taamaattumik Nukissiorfiit Rock Flour Company Nuummi Qitiusumik Allaffeqarfitsinnut sapaatip akunnerata kingulleq tikilluaqqullugu nuannaarutigeqaarput.
Siunissami suleqatigiinnissamut periarfissaq
Illua-tungeriit siunissami nukissanik sinneqartoorutinut immikkoortitsivimmik atuinermut aamma ”the magic mud”, sermersuarmiit marraq sammineqangaaqisoq, pillugit suleqatigiinnissamut periarfissat oqaluuserivaat. Periarfissat qanimut oqaloqatigiinnermi pinngortinneqarput, taamaattumillu Nukissiorfiit Rock Flour Company’p marrarmik siunissami qaninnermi ungasissumilu piiaanissamut pilersaarutai tusarfigissallugit soqutigisimavaa.
Nukissiorfiit pulaartunut qujapput, Rock Flour Company’llu siunissami suleqatigiinnissaq pillugu oqaloqatigeqqinnissaanut qilanaalereerpoq.
