Sapaatip akunnera kingulleq Nukissiorfiit NunaGreen, Nalik Ventures Sulisitsisullu suleqatigalugit Nuummi nukissanik sinneqartoorutinik immikkoortitsisarnissaq pillugu workshoppertitsivoq.
Workshoppertitsinermi siunertarineqarpoq, Utoqqarmiut kangerluarsunnguanni imermik nukissiuutp allilerneqarnissaanut suut periarfissaanersut kalaallit suliffeqarfiutaasa suleqataasalu oqaloqatigiissutiginissaat.
Ulloq ingerlalluarpoq, piusassuseqarlutillu periarfissarpassuit soqutigineqarluarlutik. Inuussutissarsiuuteqartuni, Kommuneqarfik Sermersuumit atorfilittallu peqataatinneqarput.
Saqqummiinerit oqallinnerillu
Ullormi soqutigineqartunik saqqummiisoqarpoq, tassanilu Naalakkersuisoq, Naaja H. Nathanielsen, aamma saqqummiilluni, sammineqartumi politikkikkut suliniutigisat aallaqqaasiunneqarlutik. Matuma kingorna NunaGreen Utoqqarmiut kangerluarsunnguanni imermik nukissiuutinik alliliinissamut pilersaarusiaq saqqummiuppaa. Taassuma saniatigut Tusassimit, Nukissiorfiinit, nalik Venturesimit Sikukimiillu saqqummiisoqarpoq.
Ullup naajartulernerani peqataasut eqimattannut agguataarneqarput, tassani suliffeqarfinnut nukissamik immikkoortitsinerussagaanni suut periarfissaanersut oqallisigineqarluni. Tassani aamma suut piumasaqaataallutillu sinaakkutarineqassanersut, aallarnisaanissamut tapiissutit, datacenterillu allannguutaasinnaasut, umiarsuarnut biilinullu nunakkut innaallagiaq immikkut oqaluuserineqarput.
Ulloq pissarsiaqarfiulluarpoq, nunaqavissullu suliffeqarfiutaannik suleqatiginninnerup nukittorsarnissaanut ataatsimut suliaqarneq ingerlanneqarluni. Nukissanik sinneqartoorutinik immikkoortitsisarneq Kalaallit Nunaannut iluarsartuullugu pilersaarusiaavoq. Piginnaasat takorluukkallu nunatsinneersut katersorneranni nukittunerusumik, qorsuunerusumik nammineersinnaanersumillu pilersitsissaagut.
Nukissiorfiit oqaloqatiginneq ingerlatiinnarusuppaa, nukissanillu sinneqartoorusutinik periarfissat ingerlateqqillugit suliarerusuppai.
