Maskinmesteritut sungiusartut Magnus aamma Carl: ”Ammaffigaluta naapinneqarnerput pikkunarsimaqaaq”

Taama oqarput Carl Emil Hartvig aamma Magnus Grønbek Bager Nukissiorfiit iluani sungiusarnermik ingerlataat pillugu aperineqaramik. 2024-mi aggutsimit qaammatillu pingasut taakku Nuummi Qullersaqarfimmi sungiusarput, tamannalu Frederikshavnimi MARTEC-imi maskinmesterinngorniarlutik ilinniarnerannut ilaavoq.

Tamakkiisumik pilersuiffimmik paasisaqarneq

Misilittagaqarusullutik, aammalu nutaanik misileerusullutik Carl Emilip aamma Magnusip sungiusarfissatut sumiiffissaq pillugu Nukissiorfiit toqqagaraat, tamaani pilersuisarfik tamaat paasisaqarfigisinnaagamikku, tassani pineqarlutik innaallagissamik, imermik aamma kiassarnermik tunisassiorneq aamma siammarterineq: ”Nukissiorfiit najorlugit assorsuaq pissanganartuusimavoq, tamaani tamakkiisumik pilersuinermik suliaqartoqarmat. Suut tamarmik naatsorsuutigisimasavut uniorput. Tamannalu iluarinninnertut isumaqarpoq,” Magnus oqaluttuarpoq.

Sungiusarneq Nuummut minguitsumik sarfamik pilersuiffimmut Utoqqarmiut Kangerluarsunnguanut erngup nukinganik nukissiorfiliarnermut najugaqarnermullu tunngavissiivoq. Taamaalisukkut maskinmesterinngorniarlutik ilinniartut taakku marluk aamma Ilimanaq tikeraarpaat, inoqarfimmi nukissamik toqqortaqartarneq pillugu suliniummik allaaserisaqaramik.

Aaqqissuussiffik ammasoq

Nunami innuttaasunik pilersuinermik Nukissiorfiit qanoq suliaqarnerata paasisaqarfiginerata saniatigut Carl Emilimut aamma Magnusimut aamma sunngiffimminni atugarissaarnissaq pingaaruteqarsimavoq. Tamaani pinngortitaq imartoqaaq, kangerlummi angalaarfissaqarlunilu qaqqani pisuttuarsinnaagamik. Tamakku saniatigut Nukissiorfiit iluani sulisut peqatigiiffianni ilaasortaaneq nuannaarutigisimavaat, tamatumuunakkut aaqqissuussiffimmut piaartumik ilaasuuneq misigititaaffigimmassuk: ”Nukissiorfiit iluani inuit qanoq ammatiginerisa misiginerat pikkunarsimaqaaq. Iserfigiuminarsimapput. Ilaannikkooriarluni imaaliallaannaq qimaguttarmata sungiusartut matoqqaffigineqarnertik misigisarpaat – taamaattumilli pisoqarsimanngilaq,” Carl Emil naggasiivoq.

Ilinnut sungiusarnermik ingerlataq kajungernarpa?

Nukissiorfiit iluani atorfeqarluni sunik suliaqartarneq illit Carl Emilitut aamma Magnusitut alapernaaserfigigukku, aammalu nunami innuttaasut innaallagissamik, imermik aamma kiassarnermik pilersuisooqataaffigerusukkukkit, taava attaveqarfigitigut, aammalu uagutsinni suliffimmi sungiusarfissatut inissaqarnermut periarfissat pillugit tusarniaagit, ugguuna mailikkut: hr@nukissiorfiit.gl

Lignende artikler

Nukissiorfiit Ilulissani kissarsuutinik innaallagiatortunik 2026-mi atuutilersitsissaaq 

27. juuli 2026

Asasangut Nukissalimmi atuisut

25. aggusti 2025

Tiniteqilaami imermik qalatitseqqaaqqusisarnerup atorunnaarsinneqqarnera

14. novembari 2025

Aasianni qamittooqqasimanermut tungatillugu nutaarsiassaq

2. decembari 2025

Sullitatsinnut nalunaarut

30. januaari 2025

Solcellet aamma solcellenik ikkussineq pillugu paasissutissaq

25. marsi 2025

Europaparlamentarikerit tikeraartut

25. apriili 2025

Ameralimmi innaallagissap aqqutaanik iluarsaassinermit naatsumik filmiliaq nutaaq

26. aggusti 2026

Nukissiorfiit ilinniartuuffigereerlugit atorfiniffigaat

18. maaji 2026

Matoqqangallalaarnissamut nalunaarut

11. decembari 2025

Kujataani seqernup qinnguaa nukissamik mingutsitsinngitsumik suli annermik tunisissaaq

13. juuni 2025

Nukissiorfiit Bruxellesimi

24. novembari 2025

Nukissiorfiit Atuisunut Sullissiviata oqarasuaatikkut ammasarfii allanngussapput 

7. septembari 2026

RFID-kortit chip-illu atorunnassapput – Taakkununnga taarsiullugu Nukissalik-app ikkullugu atuleruk

5. marsi 2025

Akunnaami imermik qalatitsinermik innersuut

11. aggusti 2025