Erngup aqqutaata issitsillugu qerisuunnginnissaanut isumannaallisaat ajunnginnersoq ikumanersorlu misissussoqqullugu kaammattuutigissavarput, erngummi aqqutaa misissorneqanngikkuni qerisooratarsinnaammat.
Innuttaasut amerliartuinnartut erngup aqqutaanik qerisoorsimallutik Nukissiorfinnut attaveqartarput, erngulli aqqutaanut ikkuffiit illumik piginnittup nammineq akisussaaffigai.
Erngup aqqutaanik qerisoorsimaguit
Erngup aqqutaanik qerisoorsimaguit, nammineq aattorsarnissaanut misilillugu ima iliuuseqarsinnaavutit:
- Qerisuunnginnissamut isumannaallisaatit kallerup inneranut atasoq sumiinnersoq paasiniaruk. Illup naqquata iluaniissinnaavoq kiassaateqarfimmi assigisaaniluunniit.
- Atortulersuut ikumanersoq qulakkiissavat, attataasarlu ”On”-imiinnersoq aamma qulakkeerlugu.
- Atortulersuut ikumappat, termostatitaa sakkortusisinnaavat, taamaalilluni qerisuunnginnissamut kabelit kallerup inneranut atasut kiassaanerulerniassammata.
- Aamma atortulersuut ”konstant”-imut imaluunniit ”max”-imut inississinnaavat, atortulersuutip malussarniutai ajoquteqarsimappata kissartumik tunioraajuaannarnissaa qulakkeerniarlugu.
Kissartumut kabelit eqqortumik ajoquteqaratik ingerlappata, erngup aqqutaa kigaatsumik aakkiartussaaq.
Piffissap ingerlanerani kuuffinniit imermik kuuttoqassappat, taava iluaqutaasinnaavoq, imeq sivisulaartumik kuutsilaarlugu, taamaalilluni aqqutaani serminngorsimasoq aanniassammat.
Aasseereernerup kingorna imeq kuuttoq kissatseqqissimappat, taava termostati siornatigut kissassusaanut uterteqqinneqassaaq.
