Paakitsumi erngup nukinganik nukissiorfiup, Ilulissanut innaallagissamik pilersuisup eqqaani qaqqap nakkaanera Ilulissani arfininngormat juunip 20-anni 2026 innaallagiaarunnermut peqqutaavoq.
Qaqqap nakkaaneratigut innaallagissap aqqutaa kabelersuaq, nukissiorfimmut minnerumaamut sarfamik sakkortuumik pilersuinermi aqqutaasoq ajoquserneqarmat Ilulissanut innaallagissamik pilersuineq akornuserneqarpoq.
Sarfamut sakkortuumut kabelersuup ajoqusernerata kingunerisaanik Paakitsumi sillimmatitut innaallagissiorfik artorsalernini peqqutigalugu aamma ajutoorpoq. Paakitsumi erngup nukinganik innaallagissiorfiup aallartinniarnerani sillimmatitut innaallagissiorfik ingerlasariaqarpoq.
Paakitsumi sillimmatitut innaallagissiorfimmut kingoraartissamaatit maanna Ilulissat ingerlaarput ataasinngornermilu 22. juuni nal. 14:20 tikinniariarpata, suliaqartussallu montørit piaartumik Paakitsumi erngup nukinganik nukissiorfimmut ingerlanneqassapput.
Kaavittorsuit turbinit innaallagissallu aqqutai napparussuit ajoquteqanngillat.
Ilulissat sillimmatitut innaallagissiorfimmit orsussamik ingerlateqartumit maanna pilersorneqarput.
Nukissiorfiit paasisaqarneroqqikkunik Paakitsumi sulinerup killiffia pillugu naammassippallu paasissutisseeqqissapput.
