Uummannap innaallagissiorfiata juunip 22-ani ikuallannera innuttaasunut annertuumik sunniivoq. Tamanna tunuliaqutaralugu Nukissiorfiit Uummannammi innuttaasunut ataatsimiitsitsinissamut qaaqqusipput, ataatsimiititsinerlu pissaaq Timersortarfiup katersortarfiani aggustip qulinganni unnukkut nal. 19:00-miit 20:30-mut.
Innuttaasunik ataatsimiititsinermi innaallagissiorfiup ikuallannera kingunerisaanullu tunngasut sammineqassapput.
Nukissiuuteqarnermut pisortaq Johan Danielsen, ikuallannerup kingorna killiffik, Uummannamut innaalligissamik pilersuineq kiisalu Nukissiorfiit ukiuni tulliuttuni marlunni innaallagissiorfissap nutaap atulernissaata tungaanut siunissamut qaninnermut ungasinnerusumullu pilersaarutaat pillugit saqqummiissaaq.
Uummannami innuttaasut tamarmik peqataanissamut tikilluaqqusaapput.
