Sap. ak. 17-mi Nukissiorfiit iluani Europa-Parlamentimit ”De Grønne/EFA”-mi politikkikkut eqimattuusunit aallartitanit tikeraarneqarnerput nuannaarutigaarput, taakkulu nunarput pillugu, ilanngullugulu nukissamik tunisassiornerput qaammaasaqarfigineruniarlugu Kalaallit Nunaaliarput.
Pisortaqatigiigut taakkununnga tunngavissiamik saqqummiussipput, aammalu uagut Nukissiorfiit iluani nunatsinni illoqarfinnik 17-inik, inoqarfinnillu 54-inik innaallagissamik, imermik, aammalu sumiiffinni arlalinni kiassaanermik pilersuisarnivut pillugit nassuiaapput. Taakku tassaasimapput alapernaaserlutillu soqutiginnittut, ingammik mingutsitsinngitsumut ikaarsaariartornitsinnut apeqqutissaqarlutik. Tassunga tunngatillugu nukissamik tunisassiornitsinnit 71 %-it missaat nukissiorfinnit, pingaarnerutillugulu erngup nukinganit iluseqartunit atajuartutut ittunit takkuttuunerat oqaluttuarisinnaavarput.
Tikeraarneqarnermut, aamma Nukissiorfiit tungaanut soqutiginninnermut assut qutsaviginnippugut!
