Nuummi Inussivimmi pingasunngorneq ull. 28. januaarimi pisumi Nukissiorfiit ilinniagaqarnermik nittarsaassivik Siunissaqaasa 2026 peqataaffigaa. Tamaani inuusuttut alapernaatsut ilinniagassatut toqqagassat, suliffeqarfiillu assigiinngitsut paasisaqarfigisinnaavaat.
Apeqqutit pitsaasut soqutiginninnerlu
Nukissiorfiit tungaanit nukissiuuteqarnermut pisortarput, maskinmesterinngorniarlunilu sulingiusartuutitta ilaat, kiisalu HR-imit sinniisuutitarput peqataapput. Taamaalillutik peqataasut uagut suliffeqarffitsinnut paatsuugassaanatillu isumassarsinartunik ilisimaqalerput, ilanngullugit naleqartitagut, sulianik ingerlatsivigisagut, kiisalu sorlernik periarfissanik neqerooruteqarsinnaanigut.
Ilinniarnermut tunngasut periarfissat tamakku, kiisalu sulianut tunngatillugu inuttullu inerikkiartornissamut aqqutissat suliffeqarfitta neqeroorutigisai pillugit inuusuttut tamakku oqaluttuuppagut.
Aamma 9.-10. klassineersunit, aammalu ilinniartunit inuusuttunit/inersimasunit apeqqutit pitsaasorpassuit pissarsiaraagut.
Nittartaassinermi Nukissiorfiit peqataanera najuuttut akornanni pimoorussinermik soqutiginninnernillu pilersitsivoq, aaqqissuussinerlu Nukissiorfiit tungaanut annertunerusumik ilisimasanik ilalersuuteqarlunilu uagut pilersuinermik suliffittut suliatsinnik annertuumik paasinninnermik pilersitsiviuvoq.
Nukissiorfiit iluani ilinniagaqarnissamut periarfissat pillugit annerusumik atuarit uani.
