Nukissiorfiit nuannaarutigaa suliffissanik nittarsaassineq pillugu Danmarkimi Aalborgimi, Københavnimi Aarhusimilu marsimi nittarsaassinerni kiisalu suliffeqarfiit nunatsinni Greenland Business School-imi 8.-9. apriilimi nittarsaassinnerinut peqataasinnaagami.
-Ullut pissarsiaqarfigilluarpagut ilinniartunillu pikkorissunik, eqeersimaartunik suliffeqarfitsinnullu soqutiginnittunik naapitsilluta, Nivi P. Rosing, Nukissiorfiit Sulisoqarnermut Immikkoortortaaneersoq, suleqatini allat marluk peqatigalugit nittarsaassinernut peqataasoq taama unnersiorpoq.
Nivi: - Nittarsaassinermi oqaloqatigisatta alapernaassuseqarlutillu eqeersimaanerat qujamasuutigisorujussuaarput. Siunissami ilippanaatilinnik naapitsisarnigut kiisalu suliagut pillugit ilisimasanik periarfissanillu taamatut avitseqatiginnittarnigut kajumissaataajuaannarput.
Nukissiorfiit nittarsaassinerannut orniguttut tamaasa qutsavigaavut - attavigeeqqinissarpullu erinigalugu.
Nukissiorfinni atorfiit qaffakkiartorfiusinnaasut pillugit soqutiginnikkuit, nittartakkatsinni paasisaqarnerusinnaavutit, uani: Atorfimmi ingerlalluarneq Nukissiorfiit
Tugdlerunak Storch, Nivi. P Rosing aamma Peter Oluf Torm Nukissiorfiit Sulisoqarnermut Immikkoortortaanni sulisut.
Nivi P. Rosing aamma Sulisoqarnermut Immikkoortortami praktikkertoq Naja Nuka Nielsen.
