Nukissiorfiit ilinniartuuffigereerlugit atorfiniffigaat

Sara Lennert Magnussen aamma Paneeraq Rosing ilinniarnerminnut atatillugu Nukissiorfiit immikkoortortaanni assigiinngitsuni sulinermik misileereerlutik Nukissiorfiit Atuisunut Sullissiviani aalajangersimasumik atorfinipput.

Sara Lennert Magnussen  

Sarap Niuernermik Ilinniarfimmi ilinniakkani AU Akademi-mi Pisortani allaffissorneq aasaru 31. juuli naammassiguniuk Nukissiorfiit atorfiniffigisussanngoramiuk nuannaarpoq: 

-Praktik-ernerma annersaa Akiligassiissutinut immikkoortortamiippunga, taava qaammatit marluk Akiligassaleriffimmeeriarlunga apriilip 13-anniit Atuisunut Sullissivimmut nuuppunga, tassani atorfinittussanngorama. 

Sarap Nukissiorfinni ilinniartutut sulinermik misiliinini ima nalilerpaa: 

-Iluareqaara suleqatit ammasut ilitsersuusserusuttut pisariaqarfianilu saaffikkuminartuullutik, kiisalu ilinniakkannut atatillugu suliaqartarninnik pingaartitsisuullutik. 

Sarap suliffeqarfik ilisimallualeriikkani atorfiniffigerusussimavaa: 

-Neriuutigisimavara naammassiguma Nukissiorfiit iluani atorfinissinnaanissara, taamaammat nuannaarutigeqaara periarfissanissimagama atorfininnissannut. 

Paneeraq Rosing  

Paneeraq ilinniarnerminut atatillugu Nukissiorfiit allaffeqarfiani 2020-miilli sulinermik misiliisimavoq, Niuernermik Ilinniarfimmilu AU Aningaasanik aamma isumalluutik aqutsineq naammassisillugu.

Ilinniarnerminut atatillugu Nukissiorfiit Aningaasaqarnermut Immikkoortortaani suliaqarfiit tamakkerlugit sulinermik misiliiffigisimavai, kiisalu sivikitsumik immikkoortortaq Business Partneri sulinermik misiliiffigisimallugu.  

Paneeraq ima naliliivoq: 

-Ilinniartutut pingaartuusimavoq pisariaqartitsigaanni ammaffiginissaa, suliallu naammaginngikkaanni piumasaqarsinnaanissaq pingaarsorivara taamaasillunga suliakka naammagisimaartarpakka, ilikkagaqarpassuaqarsimallungalu.  

Paneeqqap 2022-mi ilinniakkani naammassigamiuk erninermut atatillugu sulinngiffeqartumut paarlatsitut Nukissiorfiit Uuttortaaserisuini suleqqaarsimavoq. Paneeraq oqaluttuarpoq: 

-  Atuisunut Sullissivimmi 2023-mi atorfinippunga ullumikkullu tassani siunnersortitut atorfeqarlunga. Ilinniartooreerluni atorfininneq toqqissisimanaqaaq, pingaartumik suliffeqarfik nalunngilluarlugu atorfiniffigalugu, tunniussassaqarnaqaaq. 

Suliffeqarfiup ilinniartuuffigisap atorfiginissaa iluaqutaasartoq 

Atuisunut Sullissivimmi immikkoortortami aqutsisup Manasse Lars Mikaelsenip, Sara Lennert Magnussenip Paneeraq Rosingillu atorfinitsitaanerat nuannaarutigaa: 

- Misilittaganereerlutik ilinniartuulluarnermik sulisuulluartuunermillu takussutissartaqarlutik atorfinitsinnissaat orniginarsimavoq. Nukissiorfiit aaqqissuussaaneranut aamma ataqatigiimmik aaqqissuussanut ilisimannilereersimapput, immikkoortortaqarfimmi suleriaatsitsinnut naleqqussarsimasut, Nukissiorfiit naleqartitaanut piorsarsimassusaanullu tulluuttut. Sara aamma Paneeraq suliffeqarfimmut Nukissiorfinnut atorfinitsinneqarnissamut naleqqupput.

Ilinniartut Nukissiorfinni sulinermik misileereersimallutik atorfinittartut suliffeqarfimmi suleqatigilikkaminnut sulianullu ajornaannerusumik ilannguttarnerat, taakkununnga suliffeqarfimmullu iluaqutaasartoq Manasse Lars Mikaelsen aamma oqarpoq. 

Suleqatitaavut tikilluaqquavut. 

Lignende artikler

Narsami imermik imigassamik qalaasseqqusineq

2. septembari 2025

RFID-kortit chip-illu atorunnassapput – Taakkununnga taarsiullugu Nukissalik-app ikkullugu atuleruk

5. marsi 2025

Upernaviup avaannani nunqarfimmi Nuussuarmi uuliakoortoqartoq

18. juuli 2025

Nukissalimmi sullitatsinnut ilisimatitsissut

8. januaari 2025

Asasangut Nukissalimmi atuisut

19. novembari 2025

MobilePay aqqutigalugu akiliineq iluatsinngitsoorpoq

2. juuni 2025

Sisimiuni kussangasup eqqaani fjernvarmledningilersuinissami saqqummiussineq

18. juuni 2025

Nuummi peqatigiilluni ungasianit kiassaanerup atulernera

18. aggusti 2025

Nuup kangerluani kabeli

21. marsi 2025

Ameralimmi kabilersualerinermit isiginnaagassiaq naatsoq 

14. aggusti 2026

Qujanaq kingullermik!

21. januaari 2025

Annertunerpaamik neqerooruteqartunut Nuummi Nukissiorfiit tuniniagaa

22. apriili 2025

Asasagut Nukissalimmi atuisut

9. oktobari 2025

Nukissanik sinneqartoorutit pillugit ulloq ataaseq sammisaqartitsineq

3. novembari 2025

Thorbjørn Hansen Upernaviup nunaqarfiini sulisunut aqutsisunngorpoq

4. juuni 2026