GNC-p Utoqqarmiut Kangerluarsunnguanni erngup nukinganik nukissiorfiup tungaani umiarsualivimmiit nukissiorfittaassap tungaanut aqqusinniorneq ulluni makkunani nangeqqippaa.
Isumannaallisaaneq pillugu sumiiffik - umiarsualivik, sanaartorfiillu nalunaarsukkat ilanngullugit - tamanut matoqqatinneqarallarpoq. Tamanna pisuttunut, piniartunut, angallattunut kiisalu sumiiffimmi allatut atuisunut tamanut atuuppoq.
Mianersoqqussutit, aammalu sanaartorfiup iserfigineqannginnissaanut allagartaliussat ataqqineqarnissaat pingaaruteqarluinnarput, oqimaatsunik assartuinerit ingerlanneqarmata.
Nalunngilarput sumiiffik sunngiffimmi sammisassaqarfittut piniarfittullu pingaaruteqartoq, taamaattumik qinnuigissavatsigit killissarititanut attuuttunut ataqqinneqqullusi. Taakkuami suliap qularnaatsumik naammassinissaanut pisariaqarluinnarput.
Erngup nukinganik nukissiorfiup allilerneqarnera siunissami Nuummut nukissamik mingutsitsinngitsumik pilersuisinnaanissaanut pingaaruteqarpoq.
Apeqqutissaqaruit paasisaqarnerorusukkuilluunniit NunaGreen A/S saaffigisinnaavat.
