Suleqatigisartakkanut paasissutissat

Suleqataasartuuguit, imaluunniit Nukissiorfiit suleqatigisartakkaminut piumasaqaataanik paasisaqarnerorusukkuit, paasissutissat uani nassaarisinnaavatit.

Uppernarsaanissamut ilitsersuut

Nukissiorfiit tunisassiorfianni ingerlatsinermik sanaartornermillu suliallit tamarmik, Nukissiorfiup tunisassiorfiit pillugit uppernarsaanissamut ilitsersuutaat malissavaat.

Nukissiorfiit tunisassiorfiinut uppernarsaaneq ima suliarineqassaaq, suliap toqqornissaa ingerlanneqarnissaalu ajornartussaajunnaarlugit, tassalu anlægit uppernarsarneqarnerat nutarterneqartuartassalluni anlæginilu takuneqarsinnaajuassalluni.

Nukissiorfiup uppernarsaanissamut ilitsersuutaa uani aaneqarsinnaavoq

Akiligassat

Nukissiorfinnut akiligassanik nassiussinermut periuseq imaappoq:

• Nukissiorfiit akiligassanik elektroniskimik nassinneqarnissaani piumasarineruaa (OIOUBL imaluunniit OIOXML format-inngorlugu). Akiligassaq elektroniskimik nassiussaq Nukissiorfiit EAN-/GLN-nr. 5790000295500-imut nassiunneqassaaq.
• Faktura/akiligassaq elektroniskimik aamma uunga nassiunneqarsinnaavoq kreditor@nukissiorfiit.gl.
• Tuniniaasup suliffeqarfiutaataa aqqa, najugaa kiisalu CVR/GER normua akiligassami allassimassapput.
• Akiligassami aamma fakturanormu kiisalu ulloq allassimassapput.
• Akiligassami nioqqutissap tunniunneqarfiata ullua allassimassaaq.
• Akiligassami pisiniarnermut/rekvisitionimut/isumaqatigiinnermut normu kiisalu inuup attavigisap atia allassimassapput.
• Pisiat annertussusaat suunerilu akiligassami allassimassapput, qinnutigineqartunilu allassimasut assinganik allassimassallutik.
• Aki akilerneqartussaq kiisalu valuta akiligassami allassimassapput.
• Bankkonto imaluunniit IBAN-nr. kiisalu SWIFT-kode akiligassami allassimassapput.

Apeqqutit Nukissiorfiit pisiortornermut immikkoortortaqarfianut ingerlanneqassapput: indkoeb@nukissiorfiit.gl.