Imeq pillugu apeqqutit akissutaallu

Illoqarfinni qaammammut ataaseq-marloriarluni misiliutinik mikrobiologiskiusunik tigusisoqartarpoq, nunaqarfinnilu ukiumut ataasiarluni. Misiliinerit sumiiffimmi imermik qanoq annertugisumik tunisassiortoqarnera tunngaviusarpoq. Imeq tunisassiaq annertuneruppat, aamma misiliutinik tigusinerit akulikinnerussapput.

Stikledningi tassaavoq erngup kuuffia, kuuffimmut pingaarnermut illumullu akunniliuttoq. Stikledningi illuutillip pigisarpaa, aserfallatsaalinissaalu akisussaaffigalugu. Kuuffiup pingaarnerup aserfallatsaalinissaa Nukissiorfiit akisussaaffigaat. Stikledningit ilaanni ima nutaanngilisimatigisarput, tippallutik qalipaataallu allanngorluni.

Kalaallit Nunaanni imeq tassaavoq imeq nunap qaagut kuuttoq, taannalu Europami Danmarkimilu imermit, nunap iluata ernganit allaaneruvoq. Imeq nunap qaavatigut kuuttoq avatangiisinit eqqorneqarnerusarpoq, Nukissiorfiillu imeq taanna bakteeriaajaartarpaat UV-filterit klorilu atorlugit. Aamma erngup aqqutaat ungasinnerpaamiittut, kuuffiup aallartinneratuulli kuutsigineq ajorput, tamannalu erngup mamassusaanut qalipaataanullu sunneeqataasinnaavoq.

Upernaakkut silaannaap kissassusaa nikikkaangat, tatsimi imeq assallattutut ittarpoq. Taamaaligaangat imermi mamassutsit allaanerusut takkussinnaasarput, erngup sukuluiarnerani peerneqarsinnaanngitsut. Upernaalli ingerlanerani tamanna qaangiuttarpoq.

Nukissiorfiit tatsip imeqarfiusut nakkutigisarpaat, kommunelli ataasiakkaat akisussaaffigaat tatsini angalaarnerni maleruaqqusat malinneqarnissaat. Ukiukkut killissarititaasut qaangerlugit maskinanik ingerlasoqassanngilaq, kemikalianik allanillu akoorisoqassanngilaq, qimmillu tatsit sikuaneeqqusaanatik. Pisut immikkut illuinnartut eqqarsaatigalguit Namminersorlutik oqartussat immikkut akuersisinnaasarput.

Erngup aqqutai atorneqarneri sunillu sanaajuneri apeqqutaatillugit pisoqalisarput. Aqqutai støbejernimik sanaat, ullumikkut atorneqartartunit plastikkiusunit pisoqaliaarnerusarput. Erngup aqqutai ukiut 30-t missaanni piusinnaapput, pisariaqarfiitigulli taarsersorneqartarlutik. Nukissiorfiit erngup aqqutai støbejerniusut plastikkinik taarsersorpaat.

Qalatsitseqqaartariaqalernermi imeq mingutsinneqarsimasarpoq, imerlu atunnginnerani qalatseqqaarneqartariaqarluni. Taamaaliulernermi sianigisassat arlaliupput. Ilitsersuut uani takusinnaavat. Maannakkorpiaq sumi qalatsitseqqaartariaqarneq misissoruk.

• Imermik pajuttuinermi angerlarsimaffiit imermut kuuinnartumut attaveqanngitsut imiisivii immerneqartarput, taamatullu pajutsittarneq akeqarpoq.
• Imermik pajuttuisoqartarpoq illoqarfinni aqqaneq marlunni nunaqarfimmilu ataatsimi.  
• Imermik sapaatit akunneranut aalajangersimasumik amerlassusilinnik pajuttuisoqartarpoq. 
• Ullut imermik pajuttuiffiit aqqut akikinnerpaasoq naapertorlugu pilersaarusiorneqartarput.
• Allannguutit Nukissiorfiit Atuisunut Sullissivianut kingusinnerpaamik ulloq sioqqullugu nalunaarutigineqassapput. 
• Aalajangersimasumik pajunneqartarnerup saniatigut uuttuuteqanngitsunut imermik pajutsinneq Nukissiorfiit Atuisunut Sullissivianut nalunaarutigineqassaaq.

• Sullitat kuuinnartumik imillit amerliartortut. 
• Imermik pajuttuisarnerit ikiliartortut (akisupput pisariullutillu)
• Nunaqarfiit nutaanik imeqarfeqalertitersut
• Imeq imerneqarsinnaasoq pillugu isumannaallisaaneq uppernarsaatilik (DDS)
• Erngup aqqutaanik pisoqalisunik taarsersuineq

• Pajutsittarnerup akia ukiut tamaasa allanngortarpoq
• Imermik pajuttuinerup affaa Nukissiorfinnit akilerneqartarpoq affaalu atuisup anmmineq akilertarpaa
• Pajutsittarnermi aki aalajangersimasuummat feeriarnermi aammalu ullut angerlarsimanngiffiit ilanngullugit akilerneqassaaq. 
• Akilinngitsuukkanik akiligassaqarnermi = imermik pajuttuineq unitsinneqartarpoq. 
• Aalajangersimasumik pajutsittarnerup saniatigut uuttuuteqanngitsumik pajutsinneq akisuneruvoq. 

Inniminniinermi attavigineqassaaq Nukissiorfiit Atuisunut Sullissiviat. 

Malikkulluunniit attavigeqarluni, uunga: kundeservice@nukissiorfiit.gl  

Nittartagarput alakkaruk.

Erngup aqqutai atorneqarneri sunillu sanaajuneri apeqqutaatillugit pisoqalisarput. Aqqutai støbejernimik sanaat, ullumikkut atorneqartartunit plastikkiusunit pisoqaliaarnerusarput. Erngup aqqutai ukiut 30-t missaanni piusinnaapput, pisariaqarfiitigulli taarsersorneqartarlutik. Nukissiorfiit erngup aqqutai støbejerniusut plastikkinik taarsersorpaat.

• Imiisivigisamut aqqusineq akornutaasinnaasoqassanngilaq. 
• Imiivisiup matua aputeqaranilu sermersimassanngilaq. 
• Umiatsiat, angallatit allallu peerneqanngikkunik ersarissumik nalunaaqutserneqarsimassapput. 
• Ajutoortoqartillugu taarsiisussanngortitsisoqarsinnaanngilaq.