Atuisutsinnut nutaarsiassatsialak

Nukissiorfiit Namminersorlutik Oqatussat sulifeqarfiutaasa akornanni siulliit ilaattut sullittakkaminut akiliissarnissamut arlalinnik periarfissiivoq

Ullumikkuminngaanniit Nukissiorfiit akiliisinnaanermut periarfissanik nutaanik ammaassivoq.

Periarfissat taakku nutaat ilaatigut SMS, MobilePay imaluunniit betalingskortit atorlugit akiligassamik akiliisinnaanermut periarfissiipput.

SMS-mik aaqqissuussineq atuisut akiligassaminnik sms-kut nassitsivigineqarsinnaaneranni, kingorna atuisup sms-mi nassiunneqartumi linki atorlugu akilersinnaasaanik periarfissiivoq.

Tamatuma saniatigut atuisugut ullumikkuminngaanniik aamma MobilePay betingskortiluunniit atorlugu akiligassaminnik akiliisinnaanermut periarfissaqalerput.

- Atuisutsinnut akiliisinnaanermut periarfissanik nutaanik taakkuninnga saqqummiussisinnaanerput tulluusimaarutigaarput. Taakku illuatungeriinnut tamanut suliap eqaannerusumik ingerlanneqarsinnaaneranik periarfissiipput. Atuisuttali suli akiligassaminnik aningaaseriviit, netbank, allakkeriivik betalingsserviceluunniit atorlugu akileerusunnerusut, taamatut periarfissaqarnissaat attatiinnarparput, aningaasaqarnermut pisortaq Claus Andersen-Aagaard oqarpoq.

Atuisutut akiliisinnaanermut periarfissat siuliani taaneqartut ilaat atorusukkukku, Nukissiorfinnut mailadresse kundeservice@nukissiorfiit.gl  atorlugu saaffiginniinnassaatit.