Sulisunut inissiat 16-init sanaartorneqarnissaannut nivariarneq siulleq

Nivariarneq siulleq Nuup illoqarfiani Nukissiorfiit sulisunut inissialiassaanut 16-inut tunngavissiivoq nalunaaqutsereerpoq

Sulisunut inissaqartitsiniarnerup unammillernartuunera Nukissiorfiit ilisimaaraat. Tamatuma peqatigisaanik Nukissiorfiit inuiaqatigiinnut annertuumik akisussaaffeqarput taamaamallu Nuummi illorsuarmik portusuumik sanaartortitsilluni. Inissiat Nukissiorfiit sulisussarsiniarnearnnut iluaqutassapput illoqarfiillu pingaarnersaanni inissaaleqinerup anikillisinnissaanut kivitseqataassallutik.

Inissialiassat quleriit tallimat pallillugit initaqassapput på Kissarneqqqortunnguamili en grund hvor Nukissiorfiit sillimmatitut innaallagissiorfitoqaata inissisimaffigisimasaani sanaartorneqassallutik. Sanaartorfissaq salinneqareermat siunissami najugaqarfissatut atornearsinnaalerpoq. Nukissiuuteqarnermut pisortaq, Kaspar Mondrup, ima oqaaseqaateqarpoq:
- Nukissiorfinni nukinnik tamanik sapinngisamik pitsaanerpaamik atuinissaq suliniutigaarput. Taamaammat taanna uatsinni suliniutaavoq soqutiginarluinnartoq. Siornatigut innaallagissiorfiusimasup dieselimik ikummatillip inissisimaffigisimasaa inissianik nutaalianik nukissamik atuinikitsunik sanaartorfigissavarput.

Nukissiorfiit inuiaqatigiinni akisussaaqataanertik takutillugu namminneq sulisuminnut inissialiorniarnerat Kommuneqarfik Sermersuumi borgmesterip Charlotte Ludvigsenip nunannaarutigaa.
- pisortat inissiaataannik nutaanik pissarsiniarluta Kommuneqarfik Sermersuumi annertuumik suliniuteqarpugut, ukiunili makkunani Nuummut nutsertut amerlammata inissaaleqineq annertoqaaq. Taamaammat illoqarfimmi suliffeqarfiit namminneq akisussaaffimmik tigusillutik sulisuminnut inissanik pissarsiniarnerat takullugu nuanneqaaq. Pisortat inissiaataasigut ilungersortitaanerup annikillisinneqarneragut Nuummi innuttaasunut allanut inissatigut periarfissat annertusinerat tamatuma kingunerissagaa, Charlotte Ludvigsen oqarpoq. 

Sanaartugassat assigiinngiiaartut tassaanerussapput inissiat marlunnik aammali pingasunik sisamanillu initallit. Inissiat marlunnik initalinnut 60 m2-it missaannik-, pingasunik initalinnut 83 m2-inik- kiisalu sisamanik initalinnut marlunnut 124 m2-inik angissusilinnut angissutsimikkut nikerarput. 

Angerlarsimaffik elektroniskinik atortorissaarusersugaq (Smart Home)
- teknikkikkut ineriartupiloortoqarmat ilisimatusarnerullu Smart Home-ip annertuumik atorneqarnera takutimmagu, siunissami sulisunut inissialiat smart homes-inngortinnissaat Nukissiorfiit aamma toqqarpaat. Tamanna ilaatigut attavimmik Danfoss Linkimik naqqit kiassarnerannut atortussamik ikkussisoqarnissaanik Bluetooth Saltomillu illorsuarmut inissiamut matup parnaarsaaserneqarnissaanik isumaqarpoq.
- teknologimik nutaanerpaamik elektroniskimik aqunneqarsinnaasumik ikkussuinikkut, taamatulli annertutigisumik aningaasartuutit killilersimaarneqaannaratik pilertornerunermik ilorrisimaarnarnerunermillu kinguneqassasoq Reza Hedayat Nejad, suliniummik aqutsisoq oqaluttuarpoq.

Sulisunut inissianik 16-inik sanaartortitsineq, inissianut attartukkanut akisoqisunut aningaasartuutitigut annertuumik sipaaruteqarfiussaaq.

Sulisunut inissiat nutaat 2022 naalerpat nutserfigineqarsinnaanissaat pilersaarutaavoq.