Station B-840 Aasiaat tamanut neqeroortitsinermi tuniniarneqarpoq

Nukissiorfiit B-840 Aasiaat-niittoq tamanut neqerooruteqartitsilluni tuniniarpaat 15 maj 2021 aallarnerfigalugu isumaqatigiissuteqarnikkulluunniit.

B-840 siornatigut station-tut atorneqarnikuuvoq. Illu katillugu angissuseqarpoq 9,5 m2 oqorsagaallunilu.

Illu isikkuatut itsillugu tuniniarneqarpoq. Tuniniaasoq akisussaaffeqanngilaq, piserusuttullu nammineq akilikkaminik siunnersortissarsioqquneqassaaq.

B-840 pisisup nammineerluni atorsinnaalissavaa, nammineq pigalugu illoqarfiup ilaanut sumiiffimmut pilersaarummi inatsisinillu allani malittarisassat kisiisa killiliisoralugit.

Tunisinermut atatillugu aningaasartuutit tamarmik pisisumit akilerneqassapput, taamaattoq naqitsissummut aningaaasartuutit (pisiap akiata 1,5%-ia) aamma inissiamik pisinermut atatillugu uppernarsaammik suliaqarnermut (10.000,- kr.) pisinerullu eqqortuuneranik uppernarsaammik suliaqarnermut eqqartuussisuserisumut aningaasartuutit pisisup tunisisullu naligiimmik avillugu akilissavaat.

Illu takuniarneqarsinnaavoq Nukissiorfiit Aasiat-ni sulisoq Ovenguaq Lyberth isumaqatigiissuteqarfigalugu, attavissat: email-ikkut ol@nukissiorfiit.gl oqarasuaat 894847 attavigalugit.

Allakkatigut neqeroorut danskit aningaasaannik aningaasanngorlugit akiliutigiumasat taallugit, ateq, najugaq, oqarasuaatitip normua aamma mail-eqaruit ilanngullugu uunga nassiunneqassapput: Nukissiorfiit, e-mail-ikkut juridisk@nukissiorfiit.gl qulequtserlugu:

”Neqeroorut B-840 Aasiaat”

Neqeroorut pituttuisuuvoq piumasaqaatitaqanngitsoq aammalu nangaanartoqartitsiffiunani. Pisinermi akiginneqartussat toqqorneqassapput imaluunniit qularnaveeqquserneqassapput tuniniaasup akuersineranit kingusinnerpaamik ullut tallimat qaangiuppata pisisuminngaanniit akilerneqassaaq aningaaserivimmiit aningaasartuutit toqqorsinermi sullinneqarnermut akiliut.

Neqeroorut kingusinnerpaamik Nukissiorfiit tigoreersimassavaat Ataasinngorneq ulloq 11. maj 2021 nal. 12.00.

B-840 tunineqaassaaq anginermik akileerusuttumut piumasaqaatinullu naleqquttunik akileerusuttunut taammattorli minnerpaamik 40.000,00kr. Nukissiorfiit neqeroorutit tiguneqartunut tamanut itigartitsisinnaanermut pisinnaatitaavoq.