Sialleraluallarpat anorleraluallarpat kabelit siaarneqartussaapput

Sisimiuni Nukissiorfiit ullut pingasut ingerlanerinnaanni kabel 500 meterit missaannik takissusilik nunamut assaappaat. Suliaq tamanna Akiani qooqqukkut ingerlanneqarpoq kuuk ikaarlugu mittarfimmut aqqutaa sinerlugu.

Kabeli 500 meterit missaannik takissuseqartoq siaartinneqareermat suliassap affaa naammassineqarpoq.
Tassami aasap ingerlanerani kabelit 1.100 meterit siaarneqartussaapput (ingerlavia takuuk nunap assingani aappaluttumik titarneqarpoq).
Suliaq taanna kittaarlugu ingerlanneqassaaq entreprenørip nunami assaanera malillugu.

Suliaq Sisimiuni Nukissiorfinni sulisunik suleqatigiinnik nakussanik suliarineqarpoq, kabelinik siaarsipput silap allanngorartarnera apeqqutaatinnagu. Qiimallutik suliaq ingerlappaat allunaasat aamma biilit atorlugit minnerunngitsumillu isumagissaarlutik. “Suliap taassuma ingerlannerani sulinerat assut pikkunarpoq” Nukissiorfiit pisortaanera Cicilie Senderovitz oqarpoq.

Suliap suliarineqarneranut siunertaavoq illoqarfiup ilaani Akiani innaallagissap aqqutaa aalaakkaanerusunngortinniarnera, tamaani illoqarfimmik ineriartortitsineq annertooq  ingerlanneqarmat. Suliagut ingerlattuarparput pilersuineq qajannaallisarniarlugu aamma aalaakkaasunngortinniarlugu, taamatullu suliaqarnerput iluaqutaavoq.