Kabelit nunamut assaanneqarput

Nuummi mittarfissualiarnermut atatillugu napparussuit tamatuma eqqaaniittut peerneqarnissaat pisariaqarsimavoq, taakkua tassaapput Utoqqarmiut Kangerluarsunnguanit illoqarfiit pingaarnersaanut innaallagissamik pilersuinermut aqqutit.
Suliniummi Nukissiorfiit, Kalaallit Airports aamma Kommuneqarfik Sermersooq pitsaasumik suleqatigiipput, tassani pineqarpoq ledningit silaannakkoortut aamma napparutit ledningit aqqutaasa peerneqarnissaat, tamatumalu kingornatigut pilersuinermut kabelit nunamut assaallugit.

Maannakkut kabelit nunamut assaanneqareerput Iggiaani sulluliarsuup eqqaannit Qinngutsinni sakkortusaavimmut ingerlasut. Kingulerupput napparussuit taakkua tulleriiaarlugit piiarneqassapput, pilersaarut malillugu septembarip qiteqqunnerani tamarmik peerneqareersimassapput.

Napparutit piiarneqareerpata taava illoqarfiup ineriartortinneqarnissaa periarfissaqalissaaq aamma mittarfissuarmut nutaamut mikkiartornermi qulliliussassat inissaqalissallutik, tamannami suliniummut siunertaavoq.