Ilulissani innaallagissiorfik kiassaateqarfiutigisoq nutarterneqarpoq

Innaallagissiorfimmi kiassaateqarfiutigisumi, Nukissiorfiit Ilulissani illoqarfiup innaallagissamut 10kV-mut aqqutaasa immikkoortiterneqarfiini “qalatsiminut inalugarnartaarisaani”, qamittaatit aamma innaallagissap ingerlanissaanut aallartittaatit/unittaatit illersuutaasut, kiisami pisariaqavissumik nutarterneqarput. 

Pineqartut tassaapput 10kV-mut qamittaatit qulit taakkua generatorinik aamma innaallagissap sakkortuup  kabeliisa sarfamik annertuallaamik aamma nukissiamik ingerlatsinerisa pissusissamisuunnginnissaannik qulakkeerinnittussat.
Qamittaatit atuuffiat taassaavoq HSP-kabelinik taaneqartartunik (HSP=innaallagissap sakkortuumik sarfallip aqqutai, nuts.) sarfaarutsitsinissaq sarfaq sakkortuallaarpoq (tassa imaappoq artorsarpat imaluunniit attuuttoornikkut sarfaaruppat, aaqq.), tamatumani pinaveersaartinneqarpoq ajutoornissaq.

Tamatuma kingornatigut suliarineqarpoq taarsersuinissamut sulinissamut pilersaarusiorneq, tamatumuunakkut qulakkeerniarlugu ikkussuineq nutartigaq aamma ataavartumik aaqqiinissaq.
Aalajangiunneqarpoq suliaq aasaanerani suliarineqassasoq juuli 2022 eqqorluarlugu, piffissami tassani illoqarfiup sarfamik/kW-mik atuinera appasinnerpaasarmat. Taamatuttaaq Nukissiorfiit illoqarfimmut sarfamik naammattumik sakkortussusilimmik pilersuinissaa qulakkeerniarlugu, aammattaaq innaallagissiorfimmit dieselitortumik, tamanna pisariaqalissappat pisariaqarpat.

Pilersaarusiornermut soorunami aammattaaq unamminartuusinnaasut eqqarsaatigineqarput aammattaaq taarsersuilluni sulineq ataasiakkaani sivikitsumik innaallagissap qamittoorneranik kinguneqarsinnaanersoq.
- Sulineq aallarteruttoratsigut sarfamik pilersuinut innaallagissiorfimmut sakkukippallaarpoq, taamaattumik innaallagissiorfik dieselitortoq sillimmataasoq automatiskiusumik aallartippoq, Niels Pedersen Ilulissani nunap immikkoortuani pisortaagallartoq oqaluttuarpoq, nangillunilu:
- Taamatuttaaq eqqarsaatigisimavarput aqutsissutinut innaallagiatortunut pisoqqanut tunngasut, taakkua assut ilagussimapput aqutsissutinut innaallagiatortunut allanut. Ingerlaneq assut pissanganarsimavoq, tulluusimaarutigaarput naammassilluaratsigu, Niels Pedersen oqarpoq.

Nukissiorfiit sullittagaasa nutarterineq taanna toqqaannartumik malugisaqarfigissanngilaat, kisianni ataatsimut isiginnilluni pitsanngorsaaneq annertuvoq sarfaq qulakkeerneqarpoq tamatumalu kingunerisaanik aamma sarfaq navianarsinnaasoq, tamanna pisinnaammat 10kV-mik siaruarterinermut aqqutini attuuttoqartillugu qamittoornikkut, (illoqarfimmut tamarmiusumut innaallagiaq, aaqq.).