Nutaanik ilaartuineq 16:00: Pingasunngorneq ulloq 1. oktober 2025 nal. 07:00 – miit 13 tungaanut Nuup ilaani Nuussuarmi innaallagiamik pilersuineq uninngasimavoq. Tamatumunnga pissutaavoq kabelip aattuuttorneratigut qamissimammat.
Pingasunngorneq ulloq 1. oktober 2025 nal. 07:00 – miit 13 tungaanut Nuup ilaani Nuussuarmi innaallagiamik pilersuineq uninngasimavoq. Tamatumunnga pissutaavoq kabelip aattuuttorneratigut qamissimammat.
Innallagiamik pilersuinerup qaminnganerata kingunerisimavaa, Nukissiorfiit IT atorlugu attaveqaataa unitsinneqarmat, taamaattoqarneranilu mailikkut oqarasuaatikkullu atortut ajoquteqalermata Atuisunik sullissivik sianerfigineqarsinnaajunnaarneranik kinguneqarsimavoq. Nal. 10:30 missaani internetsikkut attaveqaat atuleqqippoq, atuisullu aamma Atuisunik sullissivimmut attaveqaqqissinnaalerlutik. Nal. 11 aamma 12 akornanni Nuussuuaq tamakkingajallugu innaallagiaqaqqilersimavoq.
Innutaasut ataasiakkaat Qinngutsinni najugallit aamma innaallagiamik qamittoorneq aqqusaarsimavaat. Tamatumani kabelip attuuttornerata kingunerisaanik innaallagiamik pilersuineq akornuserneqarnera pissutaasimavoq. Nal. 13 Nuussuaq tamakkerlugu Qinngutsinnilu inoqutigiit eqqugaasut innaallagiaqaqqilerput.
Nutaanik ilaartuineq 13:00 1. oktobari 2025: Nuup ilaanni Nuussuarmi innaallagiaqaqqilerpoq
Nuup ilaani Nuussuarmi innaallagiamik pilersuineq ajutooqqammat Nukissiorfiit avammut attaveqarsinnaanngillat. Innaallagiaqannginnerata kingunerisaanik Nukissiorfiit internetsikkut attaveeruteqqavoq – aamma sineriammi. Tamanna isumaqarpoq sullitanut saaffiginittarfiup callcenterip oqarasuaatikkut mailikkullu saaffiginnissutit akisinnaanngikkallarai.
Innaallagiamik pilersuinermi ajoqut paasineqareerpoq aaqqiisoqarnissaalu pillugu suliaqartoqarpoq.
