Qaqortup mittarfittaassaanut transformatorit nutaat marluk Nukissiorfiup, marlunngornermi 16. September, atuutsileqqammerpai. Qaqortumi mittarfiliornerup inaarsarnera, kingornalu mittarfissaq inerpat, mittarfimmut, transformatorit taakku, innaallagissamik pilersuisuussapput.
Sumiiffimmi sanaartortitsisut sinniissaat aamma suliarinnittut entreprenørii suleqatigalugit Nukissiorfiup innaallagissamik pilersuinissaminut aqqutinik, 7 km-eterisut isorartutigisunik, Qoqortup illoqarfianiit mittarfissamut attaviliisimavoq. Innaallassagissamut aqqusiinerup tamatuma kinguneraa, innaallagiaq sanaartornermi atorneqartoq maanna Qorlortuarsuarmi erngup nukiliorfimmeersuulermat, taamaasillunilu, innaallaagissiutit dieselitortutut, sanaartornermi atorneqarsimangaluit, atorunnaarneqartussanngorlutik.
Innaallagissap aqqutai kabilit nutaat 10 KV-tiusut aamma transformatoreqarfiit, sanaartortitsisumut Greenland Airportimut pisortatigoortumik tunniunneqassapput, entreprenørit suliatik naammasseriarpatigit. Transformatoreqarfiit aamma kabelit Nukissiorfimmut ingerlateqqinneqartussaapput, innaallagissamillu pilersuineq Nukissiorfiit ingerlatilissavaat.
Nukissiorfimmiit iluarisimaaqaarpoq mittarfiliornerup sananeqarnerata inaarsarneqarnera innaallagissamik ’minguitsumik’ (qorsummik) erngup nukiliorfimmi Qorlortorsuarmeersumit pilersorneqarsinnaalermat, tassuunakkullu ’qorsummik’ innaallagissiornermut ikaarsaarnermut peqataasoqarluni.
