Ulloq marlunngorneq januaarip 30-anni Ilulissani Nukissiorfiit erngup nukinganik innaallagissiorfia, aamma Paakitsumik taaguutilittut ilisimaneqartoq, maannakkorpiaq sakkortussutsimini nutaamik rekordiliivoq. Innaallagissiorfik pingasunik turbinenik, ataatsimoorlutik kattussaanermikkut 22,5 MW-inik innaallagissiorsinnaasunik peqarpoq.
Nukissiorfiit maannakkorpiaq sakkortussutsimik 18,21 MW-imik uuttuivoq, tassaavorlu manna tikillugu innaallagissiorfimmit sakkortussuseq qaffasinnerpaaq. Qaffasissutut sakkortussutsimut ilaatigut patsisaavoq assut issinnera pissutigalugu illoqarfiup annertunerusumik kiassarnermik pisariaqartitsinera. Tulliatut illoqarfimmi inuussutissarsiorfimmi ingerlalluartitsisoqarpoq, tamakkulu kattullutik silap pissusianut aamma inuiaqatigiinnut iluaqutaasussamik minguitsumik nukissiornermit tapersersorneqarput.
Nukissiorfinni pisortaq Cicilie Senderovitz oqarpoq:
”Ilulissani erngup nukinganik innaallagissiorfitta Ilulissani innuttaasunut suliffeqarfinnullu nukissamik minguitsumik pilersuisuunera ingasalluinnarpoq. Piumaneqartumik nukissamik tassannga erngup nukinga pilersuigaangat silap pissusianut iluaqutaavoq, Ilulissanilu pikkunnaataasoq suli annertuneruvoq. Ilulissani minguitsumut allanngoriartornermut iluaqutaasussamik amerlanerit nukissamut minguitsumut ikaarsaariarnissaat pillugu Ilulissani sulisorisavut pikkorissut sulissuteqartuarput. Mittarfiup takkuttussap, aammalu tamatuma nassatarisaatut suliniutit ilorraap tungaanut ittut amerlasuut takkutilernerisigut piginnaasamik, sinnilimmillu peqarnissamik Nukissiorfiit sammisaqarnissaa imatut pisariaqartuuvoq siunissami naatsorsuutigineqartutut atugaqarnermut pilersuisinnaanissatsinnut piareersimasussaassalluta.”
Illoqarfiup allinera, mittarfik nutaaq il.il. annertunermik nukissamik pisariaqartitsinermik nassataqartussaammata Nukissiorfiup siunissami maannakkorpiaq sunniutaasoq 20 MW qaangersimassallugu naatsorsuutigaa.
