Ullumikkut, ull. 22. marsi Naalagaaffiit Peqatigiit (FN-ip) sammisaqarfittut ulloraa, Erngup Ulluatut taasaq. Tamanna nunami maani imeq imigassaaterput assissaqanngitsoq sammisaqarfigalugu Nukissiorfinni malunnartikkusupparput.
Uagut Kalaallit Nunaanni imermik isumalluummik angisuupilorujussuarmik assissaqanngitsumillu pisuussuteqartitaavugut, tamaanimi Kalaallit Nunaata nunataata tamakkiisup 80 %-ia tassaavoq sermersuaq; erngulli imigassap annerpaarpaartaa tasernit kuunnillu, aputip aattup ernganik pilersorneqartunit pisuunera ilisimaviuk?
Ullut tamaasa imermik pilersuineq aalaakkaasoq qularnaarniarlugu Nukissiorfiit iluani suliaqartuuvugut, taamaalillutik innuttaasut tamarmik imermut imigassamut pitsaalluinnartumut attaveqassammata. Suliaq tamanna ataani videoliaq aqqutigalugu paasisaqarfiginerusinnaavat.
Videomik suliarinnipput Aningaaq Carlsen aamma Visit Greenland. Visit Greenlandip nittartagaani video tamakkiisoq takusinnaavat ugguuna.
