Imermut attaveqarfiit qerrussimassappat nammineq aatsitsiniarsariniarlutit arlalialunnik iliuuseqarsinnaavutit:
1. Qerrunnaveeqqusiisarfiit innaallagissamik ingerlatilik sumiinnersoq paasiniaruk; naqqumiissinnaavoq, kissarsuuteqarfimmiissinnaavoq assingusumiluunniit allami.
2. Ingerlatsiviup ikumanera qulakkiissavat, aammalu ikittarfia ”On”-imiinnersoq qularnaarlugu.
3. Ingerlatsivik ikumassappat termostati sakkortusissavat, taamaalillutik kabelit qerrunnaveeqqutit innaallagiatortut kissarnerulissammata.
4. Aamma ingerlatsivimmi uuttuisartut ajoquteqarsimassappata kissarnermik allanngujuitsumik pilersitsiniarlutit ingerlatsivik ”konstant”-imut (”taamaaginnartussamut”) imaluunniit ”max”-imut (”annerpaaffimmut”) inissisinnaavat.
Kabelit kissartitsisut eqqortumik atuutissappata imermut attaveqarfik arriitsumik aakkiartussaaq.
Piffissap ilaani illumi erngup kuuffiinit annikitsumik imeq kusissappat pitsaasumik ingerlanissaa, aammalu aqqutaani qerrunnerata aannissaa qularnaarniarlugu piffissami sivisulaartumi erngup kuutsinnissaa iluaqutaasinnaavoq.
Aatsitsereernerup kingornatigut imeq erngup kuuffianeersoq kissartuussappat termostati siusinnerusumi inissisimaffianut inisseqqinneqarsinnaavoq.
