Tamatumani sapaatip akunnerisa tulliuttut ingerlaneranni elektrokedilit 60, 75, 105 aamma 300 kW-illit ataasiakkaat aallartisarsinnaanissaat Nukissiorfiit naatsorsuutigaa. Erngup nukinganit nukissamik pilersorneqartunut elektrokedilinit taakkunanit Nuummi illut taakku siunissami kiassarnermik pilersorneqarsinnaanissaannik tamanna isumaqarpoq.
Allanngortiterinertigut taakkunatigut ukiumoortumik uuliamik 81.121 literit missaannik atuisartut uuliamut tamakkiisumik sipaaruteqarnerminnik misigisaqarnissaat Nukissiorfiit naatsorsuutigaa.
Nukissiornermut pisortaq Cicilie Senderovitz oqarpoq:
”Minguitsumut nuukkiartornermut suliaqarneq Nukissiorfiit iluani uagutsinnut assut pingaartinneqarpoq, silap pissusianut iluaqutaanera piinnarnagu, aammali inuiaqatigiinni aningaasaqarnerup tungaatigut tamanna isumaliummat. Nuummi erngup nukinganik nukissiornerup allineqarneratigut Nukissiorfiit nukissamik annertunermik peqalissaaq, taamaattumillu sutigut tamatigut innaallagissamut aqqusersuiniarpugut. Tamatumani suliarisatta arlallit ilagaat elektrokedilinut tunngatillugu periusissiaq.”
Aasap aamma ukiap ingerlanerani Nuummi elektrokedilinik 16-it missaannik ingerlataqartitsilernissani Nukissiorfiit naatsorsuutigaa. Taamaattumik ukiuunerata nalaanik minguinnerusumik ornitaqarsinnaanini Nukissiorfiit nuannaarutigaa, tamannalu Kalaallit Nunaanni nukissamik atuinerup minguitsuunerulersinnissaa pillugu anguniakkamik suleqatigisat amerliartuinnartut isumaqataaffigimmassuk pisinnaalerpoq. Ullumikkut tamatumunnga assut periarfissaqarpoq, tassami Kalaallit Nunaata nukissamik atuinerata tamakkiisup 81 %-iata missaa ikummatissanit uumassusilinnit pilerfeqartunit pisuummat.
Suleqatigiinnissap periarfissarisaanut apeqqutissaqartoqassappat suliffeqarfiit Nukissiorfiit saaffigalugit oqaloqatigisaqarnissaat Nukissiorfiit kaammattuugiuarpaa. Uunga saaffiginnittoqarsinnaavoq:nukissiorfiit@nukissiorfiit.gl
